బిగ్‌బాస్4: ‘నవ్వుల’ సుజాత ఎలిమినేట్‌కి కారణాలివే

October 12, 2020 / 09:52 PM ISTByFilmy Focus

Join Us

బిగ్‌బాస్4: ‘నవ్వుల’ సుజాత ఎలిమినేట్‌కి కారణాలివే

బిగ్‌బాస్‌ ఇంటి నుంచి ఎవరు ఎప్పుడు వెళ్లిపోతారు అంటే సమాధానం చెప్పడం కష్టమే. బాగా ఆడుతున్నట్లే కనిపిస్తున్నా, ప్రేక్షకుల అంచనాలను అందుకోకపోవడంతో ఎలిమినేట్‌ అయిపోతూ ఉంటారు. అయితే బిగ్‌బాస్‌ స్క్రిప్ట్‌లో భాగంగా కూడా కొందరు బయటకు వచ్చేస్తుంటారు. ఎలా అయితే ఏముంది కానీ… గత ఆదివారం సుజాత ఇంటి నుంచి బయటకు వచ్చేసింది. మొత్తంగా పోలైన 8 కోట్ల ఓట్లలో తక్కువ ఓట్లు సాధించింది కాబట్టి బయటకు తీసుకొస్తున్నట్లు నాగార్జున చెప్పారు. ఇదంతా ఓకే అసలు సుజాత ఎలిమినేట్‌ అవ్వడానికి కారణాలేంటి?

* సుజాత ఎందుకు నవ్వుతుందో, ఎందుకు ఏడుస్తుందో తెలియడం లేదు అంటూ ఇంటి సభ్యులు చెబుతూ ఉంటారు. ఆ మధ్య నాగార్జున కూడా అదే మాట అన్నారు. నీకు నవ్వు ఎందుకు వస్తుంది, సిచ్యువేషన్‌తో సింక్‌ లేకుండా, సంబంధం లేకుండా ఎందుకు నవ్వుతుంటావ్‌ అని అడిగారు. ఇలా నాన్‌ సింక్‌లో ఉండటం ఆమె ఎలిమినేట్‌ అవ్వడానికి ఓ కారణం అనుకోవచ్చు.

* గత వారం నామినేట్‌ చేస్తున్నప్పుడు కుమార్‌ సాయి చెప్పిన ప్రధాన కారణం సుజాత ఇండివిడ్యువల్‌ కాకపోవడం. ఏ విషయంలో ఆమె సొంతంగా నిర్ణయం తీసుకోలేదు అనేది బిగ్‌బాస్‌ చూసేవాళ్లకు ఇట్టే అర్థమవుతుంది.

* ‘కిల్లర్‌ కాయిన్స్‌’ టాస్క్‌లో రాత్రంతా నిద్ర మానేసి ఆట ఆడిన మెహబూబ్‌ దగ్గర నుంచి స్విచ్‌ కాయిన్‌తో కాయిన్స్‌ కొట్టేసింది. అది బిగ్‌బాస్‌ ఇచ్చిన స్పెషల్‌ ఆప్షనే కావొచ్చు. కానీ జనాల దృష్టిలో అది తప్పుగా అనిపించింది. అంత కష్టపడి ఆడిన వ్యక్తి కాయిన్స్‌ తీసేసుకుంది అని ప్రేక్షకులు అనుకున్నారు.

* చాలా రోజుల క్రితం అభిజీత్‌, హారిక, సుజాత మాట్లాడుకుంటున్నప్పుడు… లవర్‌ టాపిక్‌ వచ్చింది. అప్పుడు అభిజీత్‌ క్యాజువల్‌గా ‘ఛీ ఛీ ఆమె నాకు చెల్లి’ అంటూ సుజాతను చూసి అన్నాడు. ఆ మాటలకు సుజాత చాలా బాధపడింది. అలా ఛీ అనడం నచ్చలేదు అంటూ ఆ విషయాన్ని సాగదీస్తూ వచ్చింది. అభిజీత్‌ ఆ తర్వాత ఆ విషయంలో క్లారిటీ ఇచ్చినా ఆమె మరచిపోలేదు. ఈ విషయం పట్ల ప్రేక్షకులు విసిగిపోయినట్లు అర్థమవుతోంది.

* కచ్చితం సేఫ్‌ అవుతానని నమ్మకమో, అతి నమ్మకమో కానీ… నామినేషన్‌లో ఉన్న గత వారమంతా ఎలాంటి సీరియస్‌ యాక్టివిటీ కనిపించలేదు ఆమెలో. ఎప్పటిలాగే టైమ్‌ పాస్‌ చేసేసినట్లు కనిపించింది. టిప్స్‌ విషయంలో, స్టార్ల విషయంలో ఆమె నుంచి ఎలాంటి సీరియస్‌ ఎఫెర్ట్‌ లేదు.

* ఇంట్లో లాస్య, సుజాత మంచి స్నేహితులు కావొచ్చు. కానీ మిగిలిన వాళ్లతో మాట్లాడటం మానేసేంత కాదు కదా. కానీ సుజాతను చూస్తే అదే అనిపిస్తుంటుంది. ఎప్పుడూ లాస్యతోనే ఉన్నట్లు కనిపిస్తుంది. ఆమె మిగిలిన వాళ్లతో ఉన్నట్లు బిగ్‌బాస్‌ చూపించకపోయుండొచ్చు కూడా. కానీ ఆమె లాస్య ఫ్రెండ్‌ అనేదే బాగా నోటీస్‌ అయ్యింది.