Tamannaah: మాస్టర్ చెఫ్ కు తమన్నా బదులు ఆ స్టార్ యాంకర్ ను పెట్టుకుంటారట..!

October 6, 2021 / 09:56 PM ISTByFilmy Focus

Join Us

Tamannaah: మాస్టర్ చెఫ్ కు తమన్నా బదులు ఆ స్టార్ యాంకర్ ను పెట్టుకుంటారట..!

స్టార్ హీరోయిన్లు కూడా ఇప్పుడు ఓటిటిల్లో అలాగే బుల్లితెర పై సందడి చేస్తుండడం మనం చూస్తూనే వస్తున్నాం. ఫేడౌట్ దశకు కాస్త దగ్గరగా ఉన్న హీరోయిన్లంతా ఇలాంటి మార్గాలను ఎంచుకుంటున్నారు. ఈ లిస్ట్ లో మిల్కీ బ్యూటీ తమన్నా ముందుంది.జెమినీ టీవీలో ప్రసారమయ్యే ‘మాస్టర్ చెఫ్’ అనే షోకి వ్యాఖ్యాతగా వ్యవహరిస్తోంది. కొన్ని రోజుల క్రితం మొదలైన ఈ షోకి టి.ఆర్.పి రేటింగ్స్ ఆశించిన స్థాయిలో రావడం లేదు. ఈ విషయంలో షో నిర్వాహకులు కూడా అసంతృప్తి చెందినట్టు తెలుస్తుంది.

స్టార్ హీరోయిన్‌గా కాబట్టి.. కోట్ల పారితోషికం చెల్లించి ఆమెను తీసుకున్నారు. కానీ తమన్నా ఈ షోని సక్సెస్ చేయడంలో ఆమె విఫలమయ్యింది. ఐపియల్, బిగ్‌బాస్ 5, ఎన్టీఆర్.. ఎవ‌రు మీలో కోటీశ్వ‌రులు.. వంటి షోలు కూడా ఒకేసమయంలో ప్రారంభం కావడంతో తమన్నా షో పై ప్రేక్షకులకు ఆసక్తి లేదనే చెప్పాలి.వీటితో పోలిస్తే తక్కువ రేటింగ్స్ నమోదయ్యేది తమన్నా షోకే..!అందుకే నిర్వాహకులు ఇప్పుడు ఆమెను తప్పించాలనే ఆలోచనలో ఉన్నారట. అయితే తమన్నాతో సీజన్ మొత్తం అగ్రిమెంట్ ముందుగానే చేసేసుకున్నారు.

అలాంటప్పుడు ఆమెను తొలగించే అవకాశాలు అయితే ఇప్పట్లో లేవు. కానీ త‌మ‌న్నా స్థానంలో స్టార్ యాంకర్ అనసూయ భరద్వాజ్‌ను తీసుకుంటారని వార్తలు వస్తున్నాయి. ఈ వార్తల్లో ఎంత వరకు నిజముందో తెలీదు. ఒకవేళ నెక్స్ట్ సీజన్ కు గాని తీసుకుంటారేమో..!