Naga Chaitanya: నాగచైతన్య ఫ్యాన్స్ కు అదిరిపోయే గుడ్ న్యూస్ ఇదే.. ఏం జరిగిందంటే?

టాలీవుడ్ యంగ్ హీరోలలో ఒకరైన నాగచైతన్యకు ప్రేక్షకుల్లో ఊహించని స్థాయిలో క్రేజ్ ఉంది. ఈ ఏడాది నాగచైతన్య కస్టడీ సినిమాతో ప్రేక్షకుల ముందుకు రాగా ఈ సినిమా ప్రేక్షకులను తీవ్రస్థాయిలో నిరాశపరిచింది. ఈ ఏడాది నాగచైతన్య నటించిన మరో సినిమా థియేటర్లలో రిలీజయ్యే అవకాశం కూడా లేదు. అయితే చైతన్య నటించిన వెబ్ సిరీస్ అతి త్వరలో అమెజాన్ ప్రైమ్ లో స్ట్రీమింగ్ కానుంది. చైతన్య విక్రమ్ కె కుమార్ కాంబినేషన్ లో ధూత అనే వెబ్ సిరీస్ తెరకెక్కగా అమెజాన్ ప్రైమ్ నిర్మించిన ఈ వెబ్ సిరీస్ రిలీజ్ అంతకంతకూ ఆలస్యమైంది.

గత కొంతకాలంగా ఈ వెబ్ సిరీస్ కు సంబంధించి ఎలాంటి అప్ డేట్ లేకపోవడం అభిమానులను ఎంతగానో బాధ పెట్టింది. అయితే మరో మూడు రోజుల్లో అమెజాన్ ప్రైమ్ ఈ వెబ్ సిరీస్ స్ట్రీమింగ్ డేట్ గురించి అధికారిక ప్రకటన చేయనుందని తెలుస్తోంది. ఇప్పటికే ధూత వెబ్ సిరీస్ కు సంబంధించి పోస్ట్ ప్రొడక్షన్ పనులు సైతం పూర్తయ్యాయని సమాచారం. అక్టోబర్ నెలలో ఈ వెబ్ సిరీస్ స్ట్రీమింగ్ కానుందని తెలుస్తోంది.

ఒకింత భారీ బడ్జెట్ తో ఈ వెబ్ సిరీస్ తెరకెక్కగా ఈ వెబ్ సిరీస్ తో (Naga Chaitanya) చైతన్య సక్సెస్ ట్రాక్ లోకి వస్తారని ఫ్యాన్స్ ఫీలవుతున్నారు. చైతన్య త్వరలో ఈ వెబ్ సిరీస్ ప్రమోషన్స్ ను మొదలుపెట్టే ఛాన్స్ అయితే ఉంది. నాగచైతన్యకు ఈ వెబ్ సిరీస్ కు భారీ స్థాయిలో పారితోషికం దక్కిందని తెలుస్తోంది. చైతన్య కెరీర్ విషయంలో ఎన్నో జాగ్రత్తలు తీసుకుంటున్నారు.

ధూత వెబ్ సిరీస్ సక్సెస్ సాధించడం విక్రమ్ కే కుమార్ కు కూడా కీలకమని చెప్పవచ్చు. సరికొత్త కాన్సెప్ట్ తో తెరకెక్కిన ధూత ఓటీటీ ఆడియన్స్ ను మెప్పిస్తుందో లేదో చూడాల్సి ఉంది. నాగచైతన్యను అభిమానించే ఫ్యాన్స్ సంఖ్య అంతకంతకూ పెరుగుతోంది.

బాలీవుడ్ లో అత్యధిక రెమ్యూనరేషన్ తీసుకునేది ఆ హీరోనేనా..!

‘బిగ్ బాస్ 7’ కంటెస్టెంట్ ప్రియాంక జైన్ గురించి 10 ఆసక్తికర విషయాలు..!
‘బిగ్ బాస్ 7’ కంటెస్టెంట్ దామిని భట్ల గురించి 10 ఆసక్తికర విషయాలు!