మాస్ డైరక్టర్ వి.వి.వినాయక్ దర్శకత్వంలో మెగాస్టార్ చిరంజీవి నటిస్తున్న ఖైదీ నంబర్ 150 సినిమా షూటింగ్ దాదాపు పూర్తి అయింది. తొమ్మిదేళ్ల తర్వాత హీరోగా చిరు వెండితెరపై రీ ఎంట్రీ ఇస్తుండడంతో అనేక ప్రత్యేకతలు జోడిస్తున్నారు. అందాల తార ల‌క్ష్మీరాయ్ స్పెషల్ సాంగ్ లో అదరగొడుతుండగా, మరో పాటలో రామ్‌చ‌ర‌ణ్ చిరుతో క‌ల‌సి స్టెప్పులు వేయ‌బోతున్నారు. ఇప్పుడు మరో ఆసక్తికర విషయం బ‌య‌ట‌కు వ‌చ్చింది. చిరుపై ఓ డాక్యుమెంటరీ షో రీల్ రూపొందిస్తోంది చిత్ర‌బృందం.
మెగాస్టార్ సినీ కెరీర్ లో మైలు రాయిగా నిలిచిన చిత్రాలను కలిపి వీడియోని తయారు చేస్తారు. ఒక నిమిషం వ్య‌వ‌ధి ఉండే ఈ షో రీల్ ఖైదీ నెం.150 టైటిల్స్‌లో ప్ర‌ద‌ర్శించ‌నున్నారు. ప్ర‌స్తుతం ఇందుకు సంబంధించిన ఎడిటింగ్ వ‌ర్క్ జ‌రుగుతోంది. చిరు అభిమానుల‌కు ఇది ఓ కానుక కానుంది. అంతేకాదు విజయవాడలో ఈనెల 25న నిర్వహించనున్న ఖైదీ నెంబ‌ర్ 150 ఆడియో ఫంక్ష‌న్‌లో మెగా హీరోలంతా క‌ల‌సి సందడి చేస్తారని సమాచారం. ఇలా మెగాస్టార్ రీ ఎంట్రీని చాలా ఘనంగా ప్లాన్ చేస్తున్నారు. చిరు సరసన టాలీవుడ్ యువరాణి కాజల్ అగర్వాల్ హీరోయిన్ గా నటిస్తున్న ఈ మూవీ సంక్రాంతికి రిలీజ్ కానుంది.
Also, do SUBSCRIBE to our YouTube channel to get latest Tollywood updates.
