మహేష్ చిలిపి చేష్టలను బయట పెట్టిన ఫోటో

సూపర్ స్టార్ మహేష్ బాబుతో పనిచేసిన ఏ హీరోయిన్ ని అడిగినా.. ‘మహేష్ సైలెంట్ గా ఉంటూనే జోకులు బాగా వేస్తారు.. అతని సెన్సాఫ్ హ్యూమర్ గ్రేట్’ అంటూ అభినందిస్తుంటారు. బయట, వివిధ కార్యక్రమాల్లో మహేష్ చాలా రిజర్వడ్ గా ఉంటారు. అన్నిటికి చిన్న చిరునవ్వు నవ్వి వెళ్లి పోతుంటారు. కానీ ఎవరిని ఆటపట్టించే సంఘటనలు జరగలేదు. కానీ తొలిసారి అతను చిలిపి చేష్టలు ఎలా ఉంటాయో తాజా ఫోటో బయటపెట్టింది. ప్రస్తుతం మహేష్ బాబు కొరటాల శివ దర్శకత్వంలో భరత్ అనే నేను సినిమా చేస్తున్నారు. ఈ సినిమా షెడ్యూల్లో గ్యాప్ దొరకడంతో ఫ్యామిలీతో కలిసి విదేశాల్లో టూర్ కి వెళ్లారు. అక్కడే క్రిస్ మస్ వేడుకలు జరుపుకున్నారు. అప్పుడు తీసుకున్న ఓ ఫొటోలో మహేష్ “ఐ మూలగా” గా చూస్తున్నారు.

ఈ ఫోటోని చూసిన నెటిజనులు “ఇలా చూసి ఎంతమంది మనసులు దోచుకున్నావు” అంటూ సరదాగా కామెంట్స్ పెడుతున్నారు. మహేష్ బాబు అభిమానులు మాత్రం సంతోషంలో ఉన్నారు. ఎందుకంటే మహేష్ గత చిత్రాలు బ్రహ్మోత్సవం, స్పైడర్ నిరాశపరిచాయి. దీనివల్ల మహేష్ బయటికి రావడం లేదు. అతని బాధను తమ బాధగా భావించి నిరుత్సాహంగా ఉన్నారు. ఆ ఫెయిల్ నుంచి తేరుకొని మహేష్ మొహం లో నవ్వు చూసి ఫ్యాన్స్ కూడా ఉత్సాహంగా ఉన్నారు. న్యూ ఇయర్ వేడుకలను కూడా విదేశాల్లో జరుపుకొని హైదరాబాద్ కి తిరిగి వస్తారు. భరత్ అనే నేను సినిమా షూటింగ్ లో జాయిన్ కానున్నారు.