మెగాస్టార్ చిరంజీవి హీరోగా నటించినటువంటి సినిమాలలో ఎంతో అద్భుతమైన విజయాన్ని అందుకున్నటువంటి ఠాగూర్ సినిమా ఒకటి. ఈ సినిమా లో చిరంజీవి అవినీతిపై పోరాటం చేసే ఒక హీరోగా అద్భుతంగా నటించి ఎంతో మంది అభిమానులను సొంతం చేసుకున్నారు. అయితే ఈ సినిమా ప్రేక్షకుల ముందుకు వచ్చి 20 సంవత్సరాలను పూర్తి చేసుకున్నటువంటి తరుణంలో ఈ సినిమా గురించి కొన్ని విషయాలను ఇక్కడ తెలుసుకుందాం..
నిజానికి ఈ సినిమా తమిళ డబ్బింగ్ సినిమా అనే విషయం మనకు తెలిసిందే. తమిళంలో మురగదాస్ దర్శకత్వంలో వచ్చిన రమణ తమిళ సినిమాని తెలుగులో ఠాగూర్ సినిమాగా ప్రేక్షకుల ముందుకు తీసుకువచ్చారు. అయితే ఈ సినిమా తెలుగులో చిరంజీవి చేస్తున్నారని తెలియగానే అందరూ ఆశ్చర్యపోయారు. ఈ సినిమాలో ఎలాంటి పాటలు లేవు అలాగే ఎలాంటి కమర్షియల్ హంగులు లేవు దీంతో చిరంజీవి ఈ సినిమా చేయడమేంటి అని అందరూ ఆశ్చర్యపోయారు.
తమిళంలో ఈ సినిమాని మురగదాస్ చేసినప్పటికీ తెలుగులో మాత్రం వివి వినాయక్ ఈ సినిమాకి దర్శకత్వం వహించారు . ఇక తెలుగులో కూడా మురగదాస్ డైరెక్షన్ చేయమంటే ఈ సినిమాలో తాను ఎలాంటి పాటలను పెట్టనని చెప్పారు. కానీ చిరంజీవికి అనుకూలంగా ఈ సినిమా క్లైమాక్స్ విషయంలో కొన్ని మార్పులు చేసి సినిమాలో పాటలను కూడా జోడించి వినాయక్ ఈ సినిమాని ఎంతో అద్భుతంగా ప్రేక్షకుల ముందుకు తీసుకువచ్చారు.
ఇలా ఈ సినిమా 2003వ సంవత్సరంలో ప్రేక్షకుల ముందుకు వచ్చింది. మొదట్లో కాస్త మిక్స్ టాక్ సొంతం చేసుకున్నప్పటికీ అనంతరం ఈ సినిమా కమర్షియల్ గా ఎంతో మంచి సక్సెస్ అందుకుందని చెప్పాలి. అవినీతి చేస్తున్నటువంటి అధికారులను అంతమొందిస్తూ చిరుచేసే ఈ పోరాటం అందరికీ ఎంతగానో నచ్చింది. ఇక ఈ సినిమాలో తెలుగు భాషలో నాకు నచ్చని ఒకే ఒక్క పదం క్షమించడం అనే డైలాగ్ అప్పట్లో సెన్సేషనల్ హిట్ అయింది.
ఈ సినిమా మొత్తం 600ల థియేటర్లలో విడుదలై 253 కేంద్రాలలో అర్థ శత దినోత్సవం వేడుకలను జరుపుకుంది. ఇలా ఈ స్థాయిలో అత్యధిక థియేటర్లలో అర్థశత దినోత్సవ వేడుకలను జరుపుకున్నటువంటి తొలి తెలుగు సినిమాగా ఠాగూర్ సినిమా సరికొత్త రికార్డు సృష్టించింది. అదేవిధంగా 191 కేంద్రాలలో 100 రోజులను దిగ్విజయంగా పూర్తి చేసుకుని అద్భుతమైన విజయాన్ని సొంతం చేసుకుంది.
Home