Mahesh Babu: ‘గుంటూరు కారం’ … మహేష్ కి ఏమైంది.. వాటిని ఎందుకు పట్టించుకోవడం లేదు!

సూపర్ స్టార్ మహేష్ బాబు హీరోగా మాటల మాంత్రికుడు త్రివిక్రమ్ శ్రీనివాస్ దర్శకత్వంలో ‘గుంటూరు కారం’ అనే సినిమా రూపొందుతున్న సంగతి తెలిసిందే. హారిక అండ్ హాసిని క్రియేషన్స్ బ్యానర్ పై రాధాకృష్ణ(చినబాబు) ఈ చిత్రాన్ని నిర్మిస్తున్నారు.మహేష్ తండ్రి దివంగత స్టార్ హీరో కృష్ణ జయంతి అయిన మే 31 నాడు ఈ చిత్రానికి సంబంధించిన గ్లింప్స్ రిలీజ్ అయ్యింది. దానికి సూపర్ రెస్పాన్స్ లభించింది. అయితే అనూహ్యంగా ఆ తర్వాత ఈ ప్రాజెక్టుకు సంబంధించిన చాలా మార్పులు జరిగాయి.

మెయిన్ హీరోయిన్ గా ఎంపిక చేసుకున్న పూజా హెగ్డే ఈ ప్రాజెక్టు నుండి తప్పుకుంది. దీంతో సెకండ్ హీరోయిన్ గా ఎంపికైన శ్రీలీల మెయిన్ హీరోయిన్ అయ్యింది. ఆ తర్వాత కెమెరామెన్ కూడా తప్పుకోవడం జరిగింది. అంతేకాదు సంగీత దర్శకుడు తమన్ ను కూడా ఈ ప్రాజెక్టు నుండి తప్పించినట్టు కథనాలు వినిపించాయి. అది అబద్దం అని తమన్ కూడా కాన్ఫిడెంట్ గా చెప్పింది లేదు.

ఇక నిన్న మహేష్ బాబు పుట్టినరోజు సందర్భంగా మరో గ్లింప్స్ లేదా పాట రిలీజ్ అవుతుంది అని అంతా భావించారు. కానీ అలాంటిది ఏమీ జరగలేదు. జస్ట్ రెండు పోస్టర్లు రిలీజ్ చేసి చేతులు దులిపేసుకున్నారు నిర్మాతలు. విచిత్రం ఏంటంటే.. ఈ పోస్టర్స్ ను మహేష్ బాబు కూడా తన ట్విట్టర్ ఖాతాలో లేదా ఇన్స్టాగ్రామ్ ఖాతాలో షేర్ చేసింది అంటూ ఏమీ లేదు.

జస్ట్.. తనకి పుట్టినరోజు శుభాకాంక్షలు చెప్పిన వారికి థాంక్స్ అంటూ ఓ పోస్ట్ పెట్టి వదిలేసాడు. దీంతో ‘గుంటూరు కారం’ ని (Mahesh Babu) పట్టించుకోని మహేష్ బాబు అంటూ కామెంట్లు మొదలయ్యాయి.

ఆ హీరోల భార్యల సంపాదన ఎంతో తెలిస్తే షాక్ అవ్వాల్సిందే..!

రాంచరణ్ టు నాని.. ఈ 10 మంది హీరోలకి మొదటి వంద కోట్ల సినిమాలు ఇవే..!
పాత్ర కోసం ఇష్టాలను పక్కన పడేసిన నటులు వీళ్లేనా..!