Balakrishna , Bobby: బాలయ్య బాబీ మూవీలో స్పెషల్ సాంగ్ అలా ఉండబోతుందా?

ఈ ఏడాది ఊహించని స్థాయిలో హిట్టైన స్పెషల్ సాంగ్ ఏదనే ప్రశ్నకు గుంటూరు కారం (Guntur Kaaram) సినిమాలోని కుర్చీ మడతబెట్టి సాంగ్ పేరు సమాధానంగా వినిపిస్తుంది. ఈ సాంగ్ కు యూట్యూబ్ లో రికార్డ్ స్థాయిలో వ్యూస్ రాగా ఈ సాంగ్ కు రికార్డ్ స్థాయిలో రీల్స్ చేశారు. ఈ సాంగ్ హిట్ కావడంతో మ్యూజిక్ డైరెక్టర్ థమన్ రేంజ్ కూడా పెరిగిందని చెప్పవచ్చు. అయితే బాలయ్య (Balakrishna) బాబీ (Bobby) కాంబో మూవీలో డబ్బారాణి అనే పాత్ర ఉంటుందని ఆ పాత్రతో స్పెషల్ సాంగ్ ప్లాన్ చేశారని తెలుస్తోంది.

బాలయ్య సినిమా అంటే మ్యూజిక్, బీజీఎం విషయంలో ఎన్నో జాగ్రత్తలు తీసుకునే థమన్ (S.S.Thaman) డబ్బారాణి అనే పదం లిరిక్స్ లో ఉండేలా జాగ్రత్తలు తీసుకుంటారో లేదో తెలియాల్సి ఉంది. సినిమాకు హైలెట్ గా నిలిచేలా ఈ స్పెషల్ సాంగ్ ఉండబోతుందని భోగట్టా. మే నెల 13వ తేదీన ఏపీలో ఎన్నికలు పూర్తైన తర్వాత బాలయ్య బాబీ మూవీ షూటింగ్ లో పాల్గొనే ఛాన్స్ అయితే ఉంది.

సరైన సమయం చూసి ఈ సినిమా టైటిల్, రిలీజ్ డేట్ ను మేకర్స్ ప్రకటిస్తారని తెలుస్తోంది. సితార సంస్థ బ్యానర్ లో తెరకెక్కిన సినిమాలు బాక్సాఫీస్ వద్ద మంచి ఫలితాలను సొంతం చేసుకుంటున్న నేపథ్యంలో బాలయ్య సినిమాపై అంచనాలు మరింత పెరిగాయి. పాన్ ఇండియా సినిమాగా ఈ సినిమాను రిలీజ్ చేస్తుండటం అభిమానులకు మరింత సంతోషాన్ని కలిగిస్తోంది.

బాలయ్య బాబీ సినిమాకు ఇతర భాషల్లో సైతం భారీ స్థాయిలో ప్రమోషన్స్ చేయాలని అభిమానులు కోరుకుంటున్నారు. బాలయ్య బాబీ మూవీ సినిమాకు సంబంధించి త్వరలో మరిన్ని అదిరిపోయే అప్ డేట్స్ రానున్నాయి. బాలయ్య ఈ సినిమాను వేగంగా పూర్తి చేసి అఖండ2 (Akhanda) సినిమాతో బిజీ కానున్నారని తెలుస్తోంది. వరుసగా ప్రముఖ బ్యానర్లలో బాలయ్య నటిస్తుండటం గమనార్హం.