కొన్ని కాంబినేషన్లు అస్సలు ఊహించలేం, అంటే ఆ కాంబోలు వస్తాయని ఎక్స్‌పెక్ట్‌ చేయలేం, అలాగే వచ్చాక ఆ సందడి ఎలా ఉంటుంది అనేది కూడా ఊహించలేం. అలాంటి ఓ కాంబినేషన్ గురించి ఇప్పుడు సోషల్ మీడియా హెన్‌ అయి కూస్తోంది. అదేనండీ కోడై కూస్తోంది. అదే కుదిరితే హాలీవుడ్‌లో ఇద్దరు సూపర్ స్టార్‌ పవర్‌లు కలసినట్లు… మన దగ్గర ఇద్దరు పాన్‌ ఇండియా హీరోలు కలుస్తారు అన్నమాట. వాళ్లే ‘పుష్ప’రాజ్‌, యానిమల్‌.
మామూలుగా అయితే ఈ కాంబినేషన్ కుదరడం అంత ఈజీ కాదు. కానీ సుకుమార్‌ చేస్తున్న మేజిక్‌ వల్ల ఈ కాంబో పక్కా అని అంటున్నారు. ‘పుష్ప: ది రూల్‌’ సినిమాలో రణ్‌బీర్‌ కపూర్‌ కోసం ఓ కీలక పాత్రను రాశారట సుకుమార్‌. సినిమాలో కీలక సమయంలో ఆ పాత్ర ఎంట్రీ ఇచ్చి, కథను మలుపు తిప్పుతుందట. దీని కోసం టాలీవుడ్‌లో ఓ అగ్ర హీరోను తీసుకోవాలని తొలుత అనుకున్నా… ఇప్పుడు ఆ పాత్ర రణ్‌బీర్‌ చేస్తే బాగుంటుంది అని అనుకుంటున్నారట.
అయితే, ఈ పుకార్లలో నిజం ఎంత అనేది తెలియాల్సి ఉంది. మామూలుగా అయితే ఇలాంటి పుకార్లు అంత ఈజీగా వర్కవుట్‌ అవ్వవు. కానీ ఇప్పుడు ఇండియన్‌ సినిమా ఉన్న పరిస్థితుల్లో ఇలాంటి కాంబినేషన్లు వచ్చేస్తున్నాయి. ‘సలార్‌’లో పృథ్వీరాజ్‌ సుకుమారన్‌ను, ‘గాడ్‌ఫాదర్‌’లో సల్మాన్ ఖాన్‌ను మనం ఊహించామా? ఇది కూడా అంతే అంటున్నారు. అయితే ఆ సినిమాలో ‘యానిమల్‌’గానే కనిపిస్తాడా? లేక రణ్‌బీర్‌గా కనిపిస్తాడా అనేది చూడాల్సి ఉంది.
నిజానికి ‘పుష్ప’ కథ కాలానికి, ‘యానిమల్‌’ (Animal) కాలానికి సంబంధం లేదు. కాబట్టి రణ్‌బీర్‌ కోసం ఏదైనా ఓ పోలీసు పాత్ర ఉండొచ్చు అని అంటున్నారు. ఆ పాత్ర అల్లు అర్జున్ పాత్రకు సాయం చేయొచ్చు అని లెక్కేస్తున్నారు. ఈ పుకార్లలో నిజం ఎంతో తెలియాలంటే ఇంకొన్ని రోజులు ఆగాల్సిందే. అప్పటివరకు అల్లు అర్జున్, రణ్‌బీర్‌ కపూర్‌ ఒకే ఫ్రేమ్‌లో ఉంటే ఎలా ఉంటుందో, ఒకవేళ ఫేస్‌ ఆఫ్ ఉంటే ఎలా ఉంటుందో ఓ ఇమేజినేషన్‌ వేసుకోండి.
ఈ ఏడాది ప్రేక్షకుల్ని ఆకట్టుకున్న తెలుగు సినిమాలు!
ఈ ఏడాది వచ్చిన 10 రీమేక్ సినిమాలు… ఎన్ని హిట్టు.. ఎన్ని ఫ్లాప్?
ఈ ఏడాది ప్రేక్షకులు తలపట్టుకొనేలా చేసిన తెలుగు సినిమాలు!
Home