హీరోగా అడుగుపెట్టిన ఆది పినిశెట్టి.. ఆశించినంత విజయాలు అందుకోకపోవడంతో స్టైలిష్ విలన్ గా అ వతారమెత్తారు. సరైనోడు చిత్రంలో ఆది నటన హీరోని డామినేట్ చేసే విధంగా ఉంటుంది. నెగిటివ్ రోల్స్ మాత్రమే కాకుండా క్యారెక్టర్స్ రోల్స్ కూడా చేస్తున్నారు. సుకుమార్, రామ్ చరణ్ కలయికలో రూపుదిద్దుకున్న రంగస్థలంలోనూ కీలకరోల్ పోషించారు. సమంత హీరోయిన్ గా నటించిన ఈ సినిమా నేడు థియేటర్లోకి వచ్చింది. అభిమానులతో ఫేస్‌బుక్ వేదికపై ముచ్చటించారు. వారు అడిగిన ప్రశ్నలకు ఓపిగ్గా సమాధానాలు ఇచ్చారు. మహేష్ బాబు నటన గురించి చెప్పమని ఓ నెటిజన్ కోరగా అందుకు ఆది స్పందిస్తూ..
“మహేష్‌బాబు ఓ అమృతం. ఇన్ని సంవత్సరాలు గడుస్తున్నా ఆయన గ్లామర్ మాత్రం తగ్గడం లేదు. ఆ సీక్రెట్ ఏంటో మహేష్ చెబితే మేమందరం ఫాలో అవుతాం. ఆయన నటన గురించి నేను కొత్తగా చెప్పడానికి ఏముంది.” అని వెల్లడించారు. ప్రభాస్, ఎన్టీఆర్ తో కలిసి ఎప్పుడు నటిస్తారని ఓ అభిమాని అడగగా… ” ప్రభాస్ నిజమైన `బాహుబలి`. ప్రభాస్‌తో పనిచేసే అవకాశం ఇంకా రాలేదు. త్వరలో ఆయన సినిమాలో కూడా నటిస్తా. అలాగే ఎన్టీఆర్ ఎనర్జీ సూపర్. అతనితో కూడా నటించే అవకాసం కోసం చూస్తున్నాను” అని వివరించారు. రంగస్థలం సినిమాలో చిట్టిబాబుకు కి అన్నయ్య గా ఆది నటించారు.
