హిందీలో రీమేక్ కాబోతున్న సూర్య లేటెస్ట్ హిట్ మూవీ ‘సురారై పోట్ట్రు’..!

కోలీవుడ్ స్టార్ హీరో సూర్య నటించిన ‘ఆకాశం నీ హద్దురా’ చిత్రం ఇటీవల ఓటిటిలో విడుదలయ్యి సూపర్ హిట్ టాక్ తో దూసుకుపోతున్న సంగతి తెలిసిందే. నవంబర్ 13న విడుదలైన ఈ చిత్రం తమిళ్ తో పాటు తెలుగు ప్రేక్షకులను కూడా అమితంగా ఆకట్టుకుంది. సూర్య అద్భుతమైన నటన, సుధా కొంగర డైరెక్షన్.. సినిమా విజయంలో కీలక పాత్రలు పోషించాయి. నేరుగా అమెజాన్ లో విడుదలై సూపర్ హిట్ గా నిలిచిన సినిమా కూడా ఇదే కావడం విశేషం.

డెక్కన్ ఎయిర్‌వేస్ సంస్థను స్థాపించిన జీ.ఆర్.గోపీనాథ్‌ జీవిత కథ ఆధారంగా ఈ చిత్రం తెరకెక్కింది. ఇందులో సూర్య… మహేష్ అనే పాత్రలో కనిపించాడు. మోహన్ బాబు కూడా ఈ చిత్రంలో కీలక పాత్ర పోషించారు. ఇప్పటికే ఈ చిత్రం హక్కులను కొనుగోలు చేసిన ‘అమెజాన్ ప్రైమ్’ వారు లాభాల బాట పట్టినట్టు తాజా సమాచారం.తెలుగు, తమిళ భాషల్లో సూపర్ హిట్ గా నిలిచిన ‘సురారై పోట్ట్రు’ ను త్వరలోనే బాలీవుడ్‌లో కూడా రీమేక్ చెయ్యాలని నిర్మాతలు ప్లాన్ చేస్తున్నారట.

ఈ నేపథ్యంలో వారు అక్కడి స్టార్ హీరో షాహిద్ కపూర్‌ ను సంప్రదించినట్టు తెలుస్తుంది. అతను కూడా సానుకూలంగానే స్పందించినట్టు తెలుస్తుంది.అన్నీ అనుకున్నట్టు జరిగితే వచ్చే ఏడాది ఆరంభంలోనే ఈ ప్రాజెక్టు ప్రారంభమయ్యే అవకాశం ఉందని తెలుస్తుంది. ఈ మధ్య సౌత్ లో సూపర్ హిట్ అయిన సినిమాలను రీమేక్ చెయ్యడానికి షాహిద్ కపూర్ ముందుంటున్నాడు. ఇప్పటికే ‘అర్జున్ రెడ్డి’ ని రీమేక్ చేసి కెరీర్ బిగ్గెస్ట్ హిట్ ను అందుకున్నాడు. ప్రస్తుతం ‘జెర్సీ’ రీమేక్ లో కూడా అతను నటిస్తున్న సంగతి తెలిసిందే.

Most Recommended Video

ఆకాశం నీ హద్దు రా సినిమా రివ్యూ & రేటింగ్!
‘బిగ్ బాస్ 4’ లో ఎవరి పారితోషికం ఎంత.. ఎక్కువ ఎవరికి..?
50 కి దగ్గరవుతున్నా.. పెళ్లి గురించి పట్టించుకోని హీరొయిన్ల లిస్ట్..!