మెగాస్టార్, రాజమౌళి ల కోసం ‘లాల్ సింగ్ చద్దా’ స్పెషల్ షో!

బాలీవుడ్ సూపర్ స్టార్ ఆమిర్ ఖాన్ ప్రధాన పాత్రలో నటించిన లేటెస్ట్ సినిమా ‘లాల్ సింగ్ చద్దా’. అద్వైత్ చందన్ ఈ సినిమాను రూపొందించారు. కరీనా కపూర్ హీరోయిన్ గా కనిపించనుంది. అలానే అక్కినేని నాగచైతన్య ఇందులో కీలకపాత్ర పోషించారు. ఆమిర్ ఖాన్, నాగచైతన్య సైనికుల పాత్రలో నటించారు. వ‌యాకామ్ 18తో క‌లిసి ఆమిర్ ఖాన్ ప్రొడ‌క్ష‌న్స్ ఈ సినిమాను నిర్మించింది. బాలీవుడ్ బాడ్ షా షారుఖ్ ఖాన్ ఇందులో గెస్ట్ రోల్ లో నటించారు.

ఈ సినిమా మొదలై చాలా కాలమవుతుంది. ఫస్ట్ కాపీ కూడా రెడీగా ఉంది. నిజానికి గతేడాదిలోనే ఈ సినిమా ప్రేక్షకుల ముందుకు రావాల్సింది కానీ పలు కారణాల వలన ఆలస్యమవుతూ వస్తోంది. ఫైనల్ గా ఆగస్టు 11న సినిమాను విడుదల చేయడానికి సన్నాహాలు చేస్తున్నారు. ఈ సినిమా విడుదల నేపథ్యంలో ఆమిర్ ఖాన్ టాలీవుడ్ లో కొందరు ప్రముఖుల కోసం ప్రత్యేకంగా షో వేశారు. మెగాస్టార్ చిరంజీవి ఇంట్లో ఈ షో వేసినట్లు తెలుస్తోంది.

ఈ ప్రివ్యూలో చాలా మంది టాలీవుడ్ సెలబ్రిటీలు పాల్గొన్నారు. చిరంజీవితో పాటు నాగార్జున, రాజమౌళి, సుకుమార్ లు ఈ సినిమాను వీక్షించారు. అలానే ఆమిర్ ఖాన్, నాగచైతన్యలు సైతం ఈ సినిమాను చూశారు. చాలా కాలం తరువాత ఆమిర్ ఖాన్ నటించిన సినిమా ఇది. దీనిపై భారీ అంచనాలు నెలకొన్నాయి. ఈ సినిమా కోసం అందరూ చాలా ఆసక్తిగా ఎదురుచూస్తున్నారు. హాలీవుడ్ సినిమా ‘ఫారెస్ట్ గంప్’కి రీమేక్ గా దీన్ని తెరకెక్కించారు.

హాలీవుడ్ లో ఈ సినిమా ఒక క్లాసిక్ గా నిలిచిపోయింది. మరి హిందీలో ఎలాంటి సక్సెస్ అందుకుంటుందో చూడాలి. ‘థ‌గ్స్ ఆఫ్ హిందుస్థాన్’ లాంటి బిగ్గెస్ట్ డిజాస్టర్ తరువాత ఆమిర్ ఖాన్ నటించిన సినిమా ఇది. ఇది పెద్ద సక్సెస్ కావాలని అభిమానులు కోరుకుంటున్నారు.

ది వారియర్ సినిమా రివ్యూ & రేటింగ్!

రెండో సినిమా సెంటిమెంట్ నుండి తప్పించుకోలేకపోయిన టాలెంటెడ్ డైరెక్టర్ల లిస్ట్…!
హీరో తెలుగు – డైరెక్టర్ తమిళ్, డైరెక్టర్ తమిళ్- హీరో తెలుగు..వంటి కాంబోల్లో రాబోతున్న 11 సినిమాలు..!
ఐ.ఎం.డి.బి వారి లెక్కల ప్రకారం ఈ ఏడాది ప్రధార్థంలో టాప్ 10 మూవీస్ లిస్ట్..!