బాలీవుడ్‌ ఇప్పుడున్న ఫ్లాప్‌ షోకి ఎండ్‌ కార్డు పడాలంటే ఆమిర్‌ ఖాన్‌ ‘లాల్‌ సింగ్‌ చద్దా’ రావాల్సిందే అంటున్నారు. పాన్‌ ఇండియా సినిమాల ధాటికి కుదేలైపోయిన బాలీవుడ్‌ సినిమా పరిశ్రమకు అత్యవసర హిట్‌ అవసరం అనుకుంటున్న సమయంలో ఆమిర్‌ ఎలాంటి ప్రదర్శన చేస్తాడా అని ఎదురుచూస్తున్నారు. ఈ క్రమంలో ‘లాల్‌ సింగ్‌ చద్దా’ ట్రైలర్ను చిత్రబృందం విడుదల చేసింది. ఐపీఎల్‌ ఫైనల్‌ వేదికగా ఈ ట్రైలర్‌ లాంచ్‌ జరిగింది. ఈ క్రమంలో సినిమా గురించి ఆసక్తికర విషయం తెలిసింది.
ఆమిర్‌ ఖాన్‌ ప్రధాన పాత్రలో అద్వైత్‌ చందన్‌ తెరకెక్కించిన చిత్రం ‘లాల్‌సింగ్‌ చద్ధా’. నాగచైతన్య కీలక పాత్ర పోషించాడు. కరీనాకపూర్‌ కథానాయిక. ఆగస్టు 11న సినిమా ప్రేక్షకుల ముందుకురాబోతోంది. ఆద్యంతం ఆసక్తిగా సాగిన ట్రైలర్‌లో ఆమిర్‌ ఖాన్‌, నాగ చైతన్య లుక్‌ కొత్తగా ఉంది. హాలీవుడ్‌లో విజయవంతమైన ‘ఫారెస్ట్‌ గంప్‌’ అనే సినిమాకు ఇది రీమేక్‌గా రూపొందింది. అయితే ఈ సినిమా హక్కులు తీసుకునే క్రమంలో పెద్ద చర్చే జరిగిందట.
మాతృక ‘ఫారెస్ట్‌ గంప్‌’కు సంబంధించిన రీమేక్ హక్కులను ఇవ్వడానికి ఆ చిత్ర దర్శకుడు రాబర్ట్‌ జెమెక్స్‌ తొలుత నిరాకరించారట. ఈ విషయంలో సాయం చేయమని 2015లో ప్రఖ్యాత దర్శకుడు స్టీవెన్‌ స్పీల్‌బర్గ్‌ను ఓ సినిమా సెట్లో ఆమిర్‌ ఖాన్‌ కలుసుకున్నాడట. అక్కడే ఉన్న కథానాయకుడు టామ్‌ హ్యాంక్స్‌కు ఆమిర్‌ ఖాన్‌ను ‘జేమ్స్‌ కామెరూన్‌ ఆఫ్‌ ఇండియా’అని స్టీవెన్‌ స్పీల్‌బర్గ్‌ పరిచయం చేశారట. ‘హా… నేను ‘త్రీ ఇడియట్‌’ చూశా’ అంటూ హ్యాంక్స్‌ ఆమిర్‌తో మాట్లాడారు. ఆ తర్వాత చాలాసార్లు ప్రయత్నాలు చేశాకఆ చిత్ర హక్కులను ఆమిర్‌ దక్కించుకున్నాడట.
ఇక నిన్న విడుదలైన ట్రైలర్ను గ‌మనిస్తే ఈ సినిమా ఓ ఎమోష‌న‌ల్ జ‌ర్నీ అని అర్థమవుతోంది. ఇలాంటి సినిమాల్లో గతంలోనూ నటించిన ఆమిర్‌ అదరగొట్టేశాడు. అయితే ఇప్పుడు చేసిన సినిమా రీమేక్ కావ‌టం గమనార్హం. మరి ఈ సినిమా ప్రేక్ష‌కుల‌కు క‌నెక్ట్ అయ్యేలా ఎలా తెర‌కెక్కించార‌నేదే అస‌లు విషయం. దాని బట్టే ఫలితం ఆధారపడి ఉంటుంది.
Most Recommended Video
పెళ్లొద్దు.. సినిమాలే ముద్దు… అంటున్న 12 మంది నటీనటులు వీరే..!
తమ సొంత పేర్లనే సినిమాల్లో పాత్రలకి పెట్టుకున్న హీరోల లిస్ట్..!
ఈ 11 హీరోయిన్ల కాంబోలు అనేక సినిమాల్లో రిపీట్ అయ్యాయి..!
Home