ప్రభాస్ మూవీ కోసం ఎదురుచూస్తున్న అభిమానులు

యంగ్ రెబల్ స్టార్ ప్రభాస్ బాహుబలితో ఇండియన్ స్టార్ గా ఎదిగారు. దేశవ్యాప్తంగా క్రేజ్ సంపాదించుకున్నారు. ప్రపంచవ్యాప్తంగా అభిమానులను ఏర్పరుచుకున్నారు. తాజాగా బాలీవుడ్ హీరోలను సైతం అధిగమించి నంబర్ వన్ కిరీటాన్ని దక్కించుకున్నారు. ఒర్మాస్ అనే మీడియా సంస్థ వారు రీసెంట్ గా ఓ సర్వేను నిర్వహించారు. సినీ అభిమానులు వచ్చే ఏడాది ఏ సినిమాను చూడటానికి ఎక్కువ ఆసక్తిగా ఉన్నారు ? అనే విషయంపై దేశవ్యాప్తంగా అధ్యయనం చేశారు. ఇందులో భాగంగా దేశంలోని అన్ని సినీ పరిశ్రమలకు చెందిన కొన్ని సినిమాల జాబితాను ప్రజల ముందుంచారు.

ఈ సర్వేలో ‘బాహుబలి 2’ ని చూసేందుకు ఎదురుచూస్తున్నామని ఎక్కువమంది సమాధానమిచ్చారు. దీంతో ప్రభాస్ నంబర్ వన్ కిరీటాన్ని సొంతం చేసుకున్నారు. ఈ సర్వే ప్రకారం ప్రభాస్ ‘బాహుబలి 2’ కి 51 శాతం, షారుఖ్ ‘రాయిస్’కి 21 శాతం, సల్మాన్ ‘ట్యూబ్ లైట్’కి 6 శాతం, రజనీ ‘2.0’కి 2 శాతం ఓట్లు పడ్డాయి. ఇలా బాలీవుడ్ హీరోల సినిమాలను సైతం ప్రభాస్ మూవీ దాటుకుని ముందు స్థానంలో నిలిచింది. దర్శకధీరుడు ఎస్.ఎస్. రాజమౌళి ఎన్నో హంగులతో తెరకెక్కిస్తున్న ఈ మూవీ వచ్చేఏడాది ఏప్రిల్ 28 న అనేక భాషల్లో ప్రపంచ వ్యాప్తంగా రిలీజ్ కానుంది.

Also, do SUBSCRIBE to our YouTube channel to get latest Tollywood updates.