Chiranjeevi, Pawan Kalyan: ఆచార్యకు మళ్లీ ఆ కష్టాలు తప్పవా?

November 18, 2021 / 05:26 PM ISTByFilmy Focus

Join Us

Chiranjeevi, Pawan Kalyan: ఆచార్యకు మళ్లీ ఆ కష్టాలు తప్పవా?

టాలీవుడ్ స్టార్ హీరోలలో ఒకరైన పవర్ స్టార్ పవన్ కళ్యాణ్ నటించిన భీమ్లా నాయక్ సంక్రాంతి పండుగ కానుకగా రిలీజ్ కానుండటంతో సంక్రాంతికి రిలీజవుతున్న ఆర్ఆర్ఆర్, రాధేశ్యామ్ మేకర్స్ టెన్షన్ పడుతున్నారు. మూడు సినిమాలు సంక్రాంతికి విడుదలైతే థియేటర్ల సమస్య ఎదురవుతుంది కాబట్టి భీమ్లా నాయక్ రిలీజ్ విషయంలో వెనక్కు తగ్గకపోతే రాధేశ్యామ్ మూవీ రిలీజ్ డేట్ మారే ఛాన్స్ ఉందని తెలుస్తోంది. రాధేశ్యామ్ రిలీజ్ డేట్ ను జనవరి 26వ తేదీకి మార్చే అవకాశం ఉందని రాధేశ్యామ్ రిలీజ్ డేట్ మారితే ఆచార్య రిలీజ్ డేట్ కూడా మారనుందని సమాచారం.

భీమ్లా నాయక్ సెగ పరోక్షంగా ఆచార్యకు తగలనుండటం గమనార్హం. రాధేశ్యామ్ రిలీజ్ డేట్ మారితే ఆచార్య కొత్త డేట్ ను వెతుక్కోవాల్సిన పరిస్థితి ఏర్పడుతుంది. ఆచార్య ఫిబ్రవరి 4వ తేదీన రిలీజ్ కావాల్సి ఉండగా భీమ్లా నాయక్ ఎఫెక్ట్ వల్ల ఇతర సినిమాలకు ఇబ్బందులు ఎదురవుతున్నాయి. ఇప్పటికే మే 13వ తేదీన రిలీజ్ కావాల్సిన ఆచార్య మూవీ ఫిబ్రవరి 4వ తేదీకి వాయిదా పడగా మళ్లీ వాయిదా పడితే ఆచార్య రిజల్ట్ పై ప్రభావం పడుతుంది.

కరోనా ఫస్ట్ వేవ్, సెకండ్ వేవ్ వల్ల పెద్ద సినిమాలు భారీస్థాయిలో నష్టపోతూ ఉండటం గమనార్హం. ఒక పెద్ద సినిమా రిలీజ్ ఎన్నో సినిమాలకు ఇబ్బందులను క్రియేట్ చేస్తుండటం గమనార్హం. సంక్రాంతి రేసులో చివరకు ఎన్ని సినిమాలు ఉంటాయో చూడాల్సి ఉంది. ఆచార్య మూవీ 150 కోట్ల రూపాయలకు పైగా బడ్జెట్ తో తెరకెక్కుతోందని తెలుస్తోంది.