Acharya Collections: 4వ రోజు మరింత దారుణంగా పడిపోయిన ‘ఆచార్య’ కలెక్షన్లు..!

మెగాస్టార్ చిరంజీవి హీరోగా కొరటాల శివ దర్శకత్వంలో తెరకెక్కిన ‘ఆచార్య’ చిత్రం ఏప్రిల్ 29న విడుదలై ప్లాప్ టాక్ ను మూటకట్టుకుంది. మాట్నీ ఎంటర్టైన్మెంట్స్ బ్యానర్ పై నిరంజన్ రెడ్డి, అన్వేష్ రెడ్డి లు కలిసి నిర్మించిన ఈ చిత్రానికి రాంచరణ్ సహా నిర్మాతగా వ్యవహరించడంతో పాటు… సిద్ధ అనే పాత్రని కూడా పోషించడం జరిగింది. అతనికి జోడీగా పూజా హెగ్డే హీరోయిన్ గా నటించింది. ఈ చిత్రంపై అంచనాలు మొదటి నుండీ భారీగా నమోదవడంతో భారీ థియేట్రికల్ బిజినెస్ జరిగింది.

కానీ ఆ బిజినెస్ కు తగ్గ కలెక్షన్లు అయితే బాక్సాఫీస్ వద్ద నమోదు కావడం లేదు. తొలి 3 రోజులతో పోలిస్తే 4వ రోజున చాలా దారుణంగా పడిపోయాయి ‘ఆచార్య’ కలెక్షన్లు. ఒకసారి ఆ కలెక్షన్ల వివరాలను గమనిస్తే :

‘ఆచార్య’ చిత్రానికి రూ.133.2 కోట్లు థియేట్రికల్ బిజినెస్ జరిగింది. ఈ మూవీ బ్రేక్ ఈవెన్ అవ్వాలి అంటే రూ.134 కోట్ల వరకు షేర్ ను రాబట్టింది. ఫస్ట్ వీకెండ్ పూర్తయ్యేసరికి ఈ చిత్రం కేవలం రూ.44.3 కోట్ల షేర్ ను రాబట్టింది. బ్రేక్ ఈవెన్ కు మరో రూ.89.7 కోట్లు షేర్ ను రాబట్టాలి. టార్గెట్ అయితే చిన్నది కాదు. చిరు, కొరటాల ఇమేజ్ లను బట్టి మొదటి రోజు ఓపెనింగ్స్ పర్వాలేదు అనిపించాయి కానీ రెండో రోజు,మూడో రోజు బాగా పడిపోయాయి.

ఇక 4వ రోజు మొదటి సోమవారం రోజున అత్యంత దారుణమైన పరిస్థితి.ఈస్ట్, గుంటూరు వంటి ఏరియాల్లో అసలు నిన్న జనాలు లేక షోలు క్యాన్సిల్ చేసిన పరిస్థితి. దాంతో అక్కడ 0 షేర్ నమోదవ్వడం ఈ మధ్య కాలంలో ఏ పెద్ద సినిమాకి చూడలేదు. రంజాన్ పండుగ సెలవునైనా వాడుకుని ఈ మూవీ రూ.50 కోట్ల షేర్ మార్క్ ను దాటుతుందో లేదో చూడాలి

ఆచార్య సినిమా రివ్యూ & రేటింగ్!

Most Recommended Video

కన్మణి రాంబో కటీజా సినిమా రివ్యూ & రేటింగ్!
వీళ్ళు సరిగ్గా శ్రద్ద పెడితే… బాలీవుడ్ స్టార్లకు వణుకు పుట్టడం ఖాయం..!
కే.జి.ఎఫ్ హీరో యష్ గురించి ఈ 12 విషయాలు మీకు తెలుసా..!