చిరంజీవి, రామ్ చరణ్ కలిసి నటిస్తున్న ఆచార్య సినిమా వచ్చే ఏడాది ఫిబ్రవరి 4వ తేదీన రిలీజ్ కానుంది. టాలీవుడ్ సక్సెస్ ఫుల్ డైరెక్టర్లలో ఒకరైన కొరటాల శివ ఈ సినిమాకు దర్శకత్వం వహిస్తున్నారు. కాజల్ అగర్వాల్, పూజా హెగ్డే ఈ సినిమాలో హీరోయిన్లుగా నటిస్తుండగా రెజీనా ఈ సినిమాలో స్పెషల్ సాంగ్ చేస్తున్నారని తెలుస్తోంది. అయితే ఈ సినిమా హిందీ వెర్షన్ కూడా సిద్ధమవుతోందని సమాచారం. రామ్ చరణ్ హిందీ మార్కెట్ పై పట్టు సాధించాలని గతంలో జంజీర్ అనే సినిమాతో ప్రయత్నం చేసినా ఆ ప్రయత్నం అనుకున్న స్థాయిలో సక్సెస్ కాలేదు.
ఆచార్య సినిమాను హిందీలో భారీస్థాయిలో రిలీజ్ చేయాలని మేకర్స్ భావిస్తున్నారని తెలుస్తోంది. ఆర్ఆర్ఆర్ రిలీజ్ తర్వాత పాన్ ఇండియా స్థాయిలో చరణ్ మార్కెట్ పెరగనున్న నేపథ్యంలో మేకర్స్ హిందీ వెర్షన్ ను కూడా రెడీ చేస్తున్నట్టు సమాచారం. అయితే రామ్ చరణ్ అభిమానులు మాత్రం ఆచార్య విషయంలో ఒకింత టెన్షన్ పడుతున్నారు. ఆర్ఆర్ఆర్ తో చరణ్ మార్కెట్ ఖచ్చితంగా పెరుగుతుందని అయితే ఆచార్య బాలీవుడ్ ఆడియన్స్ ను మెప్పించని పక్షంలో చరణ్ తర్వాత సినిమాలపై కూడా ఆ ప్రభావం పడుతుందని చరణ్ అభిమానులు భావిస్తున్నారు.
కొరటాల శివ ఆచార్యను తెలుగు ప్రేక్షకులను దృష్టిలో ఉంచుకుని తెరకెక్కించిన నేపథ్యంలో చరణ్ ఫ్యాన్స్ కంగారు పడుతున్నారు. మేకర్స్ నిర్ణయం సరైన నిర్ణయమో కాదో తెలియాలంటే ఆచార్య రిలీజయ్యే వరకు ఆగాల్సిందే. వచ్చే ఏడాది నెల రోజుల గ్యాప్ లో చరణ్ నటించిన రెండు సినిమాలు రిలీజ్ కానుండటం గమనార్హం.
Most Recommended Video
సమంత- నాగచైతన్య మాత్రమే కాదు టాలీవుడ్లో ఇంకా చాలా మంది ఉన్నారు..!
‘రిపబ్లిక్’ మూవీలో గూజ్ బంప్స్ తెప్పించే డైలాగులు ఇవే..!
టాలీవుడ్ స్టార్ హీరోల ఇష్టమైన కార్లు..వాటి ధరలు
