చిరంజీవి, చరణ్ కలిసి నటించిన ఆచార్య మూవీ థియేటర్లలో విడుదల కావడానికి మరో వారం రోజుల సమయం మాత్రమే ఉంది. రేపు జరగబోయే ఆచార్య ప్రీ రిలీజ్ ఈవెంట్ కు పవన్ కళ్యాణ్ హాజరవుతారని ప్రచారం జరిగినా ఆ ప్రచారంలో ఏ మాత్రం నిజం లేదని బోగట్టా. మరోవైపు ఆచార్య సినిమాకు మహేష్ వాయిస్ ఓవర్ ఇవ్వడంతో మహేష్ ఫ్యాన్స్ కూడా ఈ సినిమా కొరకు ఆసక్తిగా ఎదురు చూస్తున్నారని తెలుస్తోంది.
అయితే ఆచార్య మూవీ సెన్సార్ టాక్ బయటకు వచ్చింది. సెన్సార్ సభ్యులు ఈ సినిమా మెగా ఫ్యాన్స్ కు ఫుల్ మీల్స్ లా ఉందని చెబుతున్నారు. చిరంజీవి, చరణ్ కాంబో సీన్లు చూడటానికి రెండు కళ్లు చాలవని ఈ సీన్లు అద్భుతంగా వచ్చాయని వాళ్లు వెల్లడిస్తున్నారు. ఫస్టాఫ్ తో పోలిస్తే సెకండాఫ్ సినిమాకు హైలెట్ అనే విధంగా ఉండనుందని మెగాస్టార్, మెగాపవర్ స్టార్ నటన ఫ్యాన్స్ ఫిదా అయ్యేలా ఉంటుందని బోగట్టా.
సినిమా ఫారెస్ట్ బ్యాక్ డ్రాప్ తో తెరకెక్కిందని ఫస్టాఫ్ లో రామ్ చరణ్ కనిపించరని సమాచారం. క్లైమాక్స్ ఊహించని విధంగా ఆసక్తిగా ఉంటుందని ఇంటర్వెల్ ట్విస్ట్ ప్రేక్షకులను ఆశ్చర్యానికి గురి చేసే విధంగా ఉంటుందని తెలుస్తోంది. మెగా ఫ్యాన్స్ కు ఆచార్య కచ్చితంగా నచ్చుతుందని సెన్సార్ సభ్యులు చెబుతున్నారు. ఆచార్య కూడా ఈ ఏడాది బ్లాక్ బస్టర్ హిట్లలో ఒకటిగా నిలుస్తుందని వాళ్లు వెల్లడిస్తున్నారు. చిరంజీవి మార్క్ మూవీలానే ఈ సినిమా ఉంటుందని ఈ సినిమా కొరటాల శివ గత సినిమాలకు భిన్నంగా ఉందని కామెంట్లు వ్యక్తమవుతూ ఉండటం గమనార్హం.
ఈ సినిమా నైజాం హక్కులను 42 కోట్ల రూపాయలకు వరంగల్ శ్రీను కొనుగోలు చేశారు. ఈ సినిమాకు 133 కోట్ల రూపాయల మేర ప్రీ రిలీజ్ బిజినెస్ జరిగిందని తెలుస్తోంది. కనీసం 140 కోట్ల రూపాయల షేర్ కలెక్షన్లను సాధిస్తే ఈ సినిమా హిట్ అనిపించుకుంటుంది.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
తెలుగులో అత్యధిక థియేట్రికల్ బిజినెస్ చేసిన సినిమాల లిస్ట్..!
‘ఆర్.ఆర్.ఆర్’ తో పాటు బాక్సాఫీస్ వద్ద భారీ లాభాలను అందించిన 10 సినిమాల లిస్ట్..!
Home