Acharya Movie: ఆచార్య సినిమా మంచి రేటింగ్ ను సొంతం చేసుకుంటుందా?

October 12, 2022 / 08:35 PM ISTByFilmy Focus

Join Us

Acharya Movie: ఆచార్య సినిమా మంచి రేటింగ్ ను సొంతం చేసుకుంటుందా?

కొరటాల శివ డైరెక్షన్ లో చిరంజీవి, చరణ్ హీరోలుగా తెరకెక్కిన ఆచార్య సినిమా సమ్మర్ కానుకగా థియేటర్లలో విడుదలై బాక్సాఫీస్ వద్ద బిలో యావరేజ్ రిజల్ట్ ను అందుకుంది. ఈ సినిమా వల్ల కొరటాల శివ ఆర్థికంగా భారీ మొత్తంలో నష్టపోయారని కామెంట్లు వినిపించాయి. చిరంజీవి సైతం ఈ సినిమా రిజల్ట్ విషయంలో కొరటాల శివదే తప్పనే విధంగా కామెంట్లు చేయడం గమనార్హం. అయితే అతి త్వరలో ఆచార్య సినిమా బుల్లితెరపై ప్రసారం కానుంది.

ఈ నెల 23వ తేదీన ప్రముఖ ఎంటర్టైన్మెంట్ ఛానెల్స్ లో ఒకటైన జెమిని ఛానల్ లో ఈ సినిమా ప్రదర్శితం కానుంది. సాయంత్రం 5.30 గంటలకు ఈ సినిమా ప్రసారం కానున్నట్టు అధికారిక ప్రకటన వెలువడింది. ఆచార్య బుల్లితెరపై మంచి రేటింగ్ ను సొంతం చేసుకోవాలని ఫ్యాన్స్ కోరుకుంటున్నారు. వెండితెరపై ఆచార్య సక్సెస్ సాధించకపోయినా బుల్లితెరపై సక్సెస్ సాధిస్తుందని ఫ్యాన్స్ భావిస్తున్నారు. ఆచార్య సినిమాలో చిరంజీవికి జోడీగా కాజల్ అగర్వాల్ నటించగా సినిమా నిడివి ఎక్కువ కావడం,

ఇతర కారణాల వల్ల కాజల్ రోల్ ను ఈ సినిమా నుంచి తొలగించారు. బుల్లితెరపై ప్రసారమయ్యే సమయంలో అయినా ఈ సీన్లు ఉంటాయేమో చూడాల్సి ఉంది. ఆచార్య సినిమా ఫలితం కొరటాల శివ కెరీర్ పై తీవ్ర ప్రభావం చూపింది. కొరటాల శివ తర్వాత సినిమా జూనియర్ ఎన్టీఆర్ హీరోగా తెరకెక్కనుంది.

అయితే ఈ సినిమా షూటింగ్ ఎప్పుడు మొదలవుతుందనే ప్రశ్నకు సమాధానం దొరకాల్సి ఉంది. కొరటాల శివ సినిమా షూటింగ్ కు సంబంధించిన అప్ డేట్ కోసం ఎన్టీఆర్ ఫ్యాన్స్ ఆసక్తిగా ఎదురుచూస్తున్నారు. ఎన్టీఆర్ కొరటాల శివ కాంబో మూవీ 250 కోట్ల రూపాయల బడ్జెట్ తో తెరకెక్కనుంది. కళ్యాణ్ రామ్, సుధాకర్ ఈ సినిమాకు నిర్మాతలుగా వ్యవహరిస్తుండటం గమనార్హం.