సమ్మర్ రేస్ నుండి మెగాస్టార్ అవుట్..?

మెగాస్టార్ చిరంజీవి-కొరటాల కాంబినేషన్ లో ‘ఆచార్య’ సినిమా తెరకెక్కుతోన్న సంగతి తెలిసిందే. నిజానికి ఈ సినిమా ఎప్పుడో విడుదల కావాల్సింది కానీ కోవిడ్ కారణంగా షూటింగ్ వాయిదా పడడం వలన ఆలస్యం జరిగింది. లాక్ డౌన్ అనంతరం షూటింగ్ మొదలుపెట్టి గ్యాప్ లేకుండా చిత్రీకరణ జరుపుతున్నారు. మే 13న సినిమాను విడుదల చేయబోతున్నట్లు అనౌన్స్ చేశారు. రీసెంట్ గా విడుదలైన సినిమా టీజర్ మంచి బజ్ తీసుకొచ్చింది. భారీ రేట్లకు సినిమా రైట్స్ ను అమ్మారు. అయితే ఇప్పుడు పరిస్థితి మారింది.

అనుకున్న సమయానికి సినిమాని రిలీజ్ చేస్తారో లేదో అనే సందేహాలు కలుగుతున్నాయి. ఈ మేరకు ఓవర్సీస్ బయ్యర్ ఒకరికి వర్తమానం కూడా చేరిందనే వార్తలు చక్కర్లు కొడుతున్నాయి. అనుకున్న షెడ్యూల్ ప్రకారం షూటింగ్ జరగడం లేదని.. ముందుకు వెనక్కి వెళ్తుందని.. ఇలాంటి సమయంలో మెగాస్టార్ అస్వస్థతకు గురైన వార్తలు గుప్పుమన్నాయి. విరామం తీసుకోకుండా పని చేయడం వలన.. ఎండల వల్ల మెగాస్టార్ నీరస పడ్డారని సమాచారం. అందువలన ఆయన వెంటనే సెట్స్ మీదకు వస్తారా..?

లేక గ్యాప్ తీసుకుంటారా..? అనే విషయంలో క్లారిటీ లేదు. ఒకవేళ గ్యాప్ తీసుకుంటే గనుక ‘ఆచార్య’ సినిమా విడుదల విషయంలో వాయిదా తప్పదని అంటున్నారు. కానీ దర్శకుడు కొరటాల శివ మాత్రం తను అనుకున్న డేట్ కి పక్కా సినిమా రిలీజ్ చేస్తానని.. సన్నిహితులతో చెబుతున్నారట. మరేం జరుగుతుందో చూడాలి!

Most Recommended Video

ఏ1 ఎక్స్ ప్రెస్ సినిమా రివ్యూ & రేటింగ్!
షాదీ ముబారక్ సినిమా రివ్యూ & రేటింగ్!
సీత ఆన్ ది రోడ్ సినిమా రివ్యూ & రేటింగ్!