మెగాస్టార్ లేకపోయినా షూటింగ్ ఆగలేదు!

November 10, 2020 / 04:53 PM ISTByFilmy Focus

Join Us

కరోనా విరామం తరువాత టాలీవుడ్ స్టార్లంతా కూడా షూటింగ్ కి వెళ్లిపోయారు. కానీ సీనియర్ హీరోలు చిరంజీవి, బాలకృష్ణ మాత్రం సెట్స్ పైకి వెళ్లలేదు. ఫైనల్ గా ఈ వారం నుండి ‘ఆచార్య’ సినిమా షూటింగ్ పునః ప్రారంభించడం కోసం చిరు ప్రణాళికలు రచించుకున్నారు. దీనికి సంబంధించిన అధికారిక ప్రకటన కూడా చేశారు. కానీ తీరా చూస్తే చిరంజీవికి కరోనా వచ్చింది. ‘ఆచార్య’ సినిమా షూటింగ్ లో పాల్గొనే ముందు చిరుకి కరోనా టెస్ట్ చేయగా.. పాజిటివ్ వచ్చింది.

అయితే ఆయనకి ఎలాంటి లక్షణాలు లేకపోవడంతో ప్రస్తుతం హోమ్ క్వారెంటైన్ లో ఉంటున్నారు. అయితే చిరు అందుబాటులో లేకపోయినా.. ‘ఆచార్య’ షూటింగ్ మాత్రం ఆగలేదని తెలుస్తోంది. అనుకున్న ప్రకారమే ‘ఆచార్య’ షూటింగ్ పునః ప్రారంభించారు. చిరంజీవి నుండి సమాచారం అందిన వెంటనే ప్రొడక్షన్ టీమ్ ప్రణాళికలు మార్చుకుంది. ఆయన లేని సన్నివేశాలు చిత్రీకరించడానికి ప్లాన్ చేసుకుంది. ఈ మేరకు ఆర్టిస్టుల డేట్లు సర్దుబాటు చేస్తున్నారు. చిరు హాస్పిటల్ కి వెళ్లాల్సిన అవసరం పడకపోవచ్చని..

ఆయన రెండు వారాల్లో కోలుకొని షూటింగ్ కు వస్తారని చిత్రబృందం ఆశిస్తోంది. ఈలోగా ఆయన లేని సన్నివేశాలను పూర్తి చేస్తున్నట్లు సమాచారం. చిరు వచ్చే సమయానికి అందరి డేట్లు సర్దుబాటు చేసి పక్కా ప్లాన్ తో రెడీగా ఉంటారట. ఆయన వచ్చిన వెంటనే మిగిలిన సన్నివేశాలకు సంబంధించిన చిత్రీకరణ సాగుతుంది. ఈ సినిమాను ఎలా అయినా వేసవికి విడుదల చేయాలని మేకర్స్ భావిస్తున్నారు. కాజల్ హీరోయిన్ గా నటిస్తోన్న ఈ సినిమాకి మణిరత్నం సంగీతం అందిస్తున్నారు.