మాస్ మాహారాజా రవితేజ క్రాక్ సినిమాతో సూపర్ డూపర్ హిట్ కొట్టి మంచి జోష్ మీద ఉన్నాడు. ఇప్పుడు ఇదే ఊపులో ఖిలాడీ సినిమాని చకచకా చేసేస్తున్నాడు. దీనికి సంబంధించిన స్టార్ కాస్టింగ్ ని కూడా టకటక ఎంపిక చేసేస్తున్నారు. ఇందులో భాగంగా ఒక కీలకమైన రోల్ లో యాక్షన్ కింగ్ అర్జున్ ని ఈ సినిమాలో ఎంపిక చేసినట్లుగా చిత్రబృందం అఫీషియల్ గా ప్రకటించింది. రీసంట్ గా అర్జున్ అటు తమిళంలో, ఇటు తెలుగులో కుర్రహీరోలతో కలిసి సినిమాలు చేస్తున్న సంగతి తెలిసిందే.
కొన్ని సినిమాల్లో విలన్ గా కూడా చేసి మెప్పించాడు. రీసంట్ గా శివకార్తికేయతో కలిసి చేసిన శక్తి సినిమా అర్జున్ కి మంచి పేరు తీస్కుని వచ్చింది. మరి ఇప్పుడు మాస్ మహారాజా రవితేజతో తెలుగులో ఫస్ట్ టైమ్ కలిసి సిల్వర్ స్క్రీన్ ని షేర్ చేసుకోబోతున్నాడు. మరి ఇందులో ఖిలాడీ రవితేజకి గురువుగా నటిస్తున్నాడా.. లేదా విలన్ గా మారి మాస్ రాజాతో ఫైటింగ్ కి సిద్ధమవుతున్నాడా అనేది ఆసక్తికరంగా మారింది.
ఖిలాడి సినిమాకి దేవిశ్రీ ప్రసాద్ మ్యూజిక్ అందిస్తుండగా, కోనేరు సత్యన్నారాయణ ఈసినిమాని నిర్మిస్తున్నారు. రీసంట్ గా వచ్చిన రవితేజ గ్లింప్స్ ఫ్యాన్స్ ని బాగా ఆకట్టుకుంది. అంతేకాదు, ఈ గ్లింప్స్ లో బ్యాక్ గ్రౌండ్ మ్యూజిక్ కి ఫ్యాన్స్ ఫిదా అయిపోయారు. ఇప్పుడు యాక్షన్ కింగ్ అర్జున్ వచ్చి చేరడంతో ఫుల్ ఖుషీలో ఉన్నారు ఫ్యాన్స్. అదీ మేటర్.
Most Recommended Video
30 రోజుల్లో ప్రేమించటం ఎలా? సినిమా రివ్యూ & రేటింగ్!
‘జబర్దస్త్’ కమెడియన్ల రియల్ భార్యల ఫోటోలు వైరల్..!
హీరో, హీరోయిన్ల పెయిర్ మాత్రమే కాదు విలన్ ల పెయిర్ లు కూడా ఆకట్టుకున్న సినిమాలు ఇవే..!
