సీనియర్ హీరో అర్జున్ నటుడిగానే కాకుండా.. దర్శకుడిగా, రచయితగా, నిర్మాతగా కూడా పలు సినిమాలకు వర్క్ చేశారు. కొన్నేళ్లుగా అర్జున్ సినిమాలు పెద్దగా వర్కవుట్ కావడం లేదు. దీంతో కొంచెం గ్యాప్ తీసుకొని.. తన స్వీయ దర్శకత్వంలో ఓ సినిమా తీయడానికి గతేడాది ప్లాన్ చేసుకున్నారు. తెలుగులో విశ్వక్ సేన్ హీరోగా ఈ సినిమా రూపొందించాలనుకున్నారు. హీరోయిన్ గా తన కూతురు ఐశ్వర్యనే ఫిక్స్ చేశారు. గ్రాండ్ గా సినిమా ఓపెనింగ్ కూడా జరిగింది.
తెలుగు, తమిళ భాషల్లో సినిమా తీయాలనుకున్నారు. కానీ ఈ సినిమా సెట్స్ పైకి వెళ్లకుండానే మధ్యలో ఆగిపోయింది. స్క్రిప్ట్ నచ్చకపోవడం వలనో, అర్జున్ తో సెట్ కాకపోవడం వలనో తెలియదు కానీ.. విశ్వక్ సేన్ ఈ ప్రాజెక్ట్ నుంచి తప్పుకున్నారు. విశ్వక్ అలా చేయడం తట్టుకోలేకపోయిన అర్జున్ వెంటనే ప్రెస్ మీట్ పెట్టి అతడిపై తీవ్ర ఆరోపణలు చేశారు. ఆ తరువాత విశ్వక్ తన వైపు నుంచి ఏదో వివరణ ఇచ్చారు.
విశ్వక్ కి బదులుగా మరో హీరోని పెట్టి అర్జున్ సినిమా చేయబోతున్నారని వార్తలొచ్చాయి. ఈ క్రమంలో శర్వానంద్ పేరు కూడా వినిపించింది. కానీ అర్జున్ ఎవరినీ ఎంచుకోలేదు. ఈ సినిమాను ముందుకు తీసుకెళ్లలేదు. కట్ చేస్తే.. ఇప్పుడు అర్జున్ ఒక సూపర్ స్టార్ ని డైరెక్ట్ చేయడానికి రెడీ అవుతున్నట్లు సమాచారం. మలయాళంలో స్టార్ హీరో అయిన మోహన్ లాల్ హీరోగా అర్జున్ ఓ బహుభాషా చిత్రాన్ని తీయబోతున్నారు.
మోహన్ లాల్ స్టార్ హీరో అయినప్పటికీ.. చాలా త్వరగా సినిమాలు చేసేస్తుంటారు. ఆరేడు నెలల్లోనే ఒక సినిమా పూర్తి చేసేస్తారు. చిన్న, పెద్ద అనే తేడా లేకుండా అందరు దర్శకులతో కలిసి పని చేస్తుంటారు. ఈ క్రమంలోనే ఆయన అర్జున్ తో సినిమా చేయడానికి ఒక చెప్పినట్లు తెలుస్తోంది. యాక్షన్ ఎంటర్టైనర్ గా ఈ సినిమాను తెరకెక్కించబోతున్నట్లు సమాచారం. మొత్తానికి అర్జున్ కి విశ్వక్ లాంటి యంగ్ హీరో మిస్ అయినా… మోహన్ లాల్ లాంటి స్టార్ హీరో దొరికేసాడు.
సార్ సినిమా రివ్యూ & రేటింగ్!
‘గజిని’ మూవీ మిస్ చేసుకున్న హీరోలు ఎవరంటే?
టాప్ 10 రెమ్యూనరేషన్ తెలుగు హీరోలు…ఎంతో తెలుసా ?
కళ్యాణ్ రామ్ నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?
