Brahmaji: మీ రిస్కులే మీకు శ్రీరామ రక్ష.. బ్రహ్మాజీ షాకింగ్ ట్వీట్ వైరల్!

ప్రభాస్  (Prabhas)  నాగ్ అశ్విన్ (Nag Ashwin) కాంబినేషన్ లో తెరకెక్కిన కల్కి 2898 ఏడీ (Kalki 2898 AD)ప్రభంజనం బాక్సాఫీస్ వద్ద కొనసాగుతోంది. సోమవారం రోజు కూడా ఈ సినిమాకు 70 కోట్ల రూపాయల రేంజ్ లో కలెక్షన్లు వచ్చాయని సమాచారం అందుతోంది. ఇప్పటికే ఈ సినిమా కలెక్షన్లు 600 కోట్ల రూపాయల మార్కును దాటగా మంగళవారం, బుధవారం కలెక్షన్లతో సలార్ (Salaar) మూవీ టోటల్ కలెక్షన్ల రికార్డ్ కూడా బ్రేక్ అయ్యే అవకాశాలు ఉన్నాయి. టాలీవుడ్, కోలీవుడ్ ప్రముఖ సెలబ్రిటీలు ఇప్పటికే ఈ సినిమాను చూసి ఈ సినిమాపై ప్రశంసల వర్షం కురిపించారు.

ఈ సినిమాకు పాజిటివ్ రివ్యూ ఇచ్చిన సెలబ్రిటీల జాబితాలో తాజాగా బ్రహ్మాజీ (Brahmaji) చేరారు. బ్రహ్మాజీ తన ట్విట్టర్ అకౌంట్ వేదికగా చేసిన ట్వీట్ ప్రస్తుతం సోషల్ మీడియా వేదికగా తెగ వైరల్ అవుతోంది. “తెలుగు సినిమా అనుకుంటే వరల్డ్ సినిమా తీశారు.. నాగ్ అశ్విన్ గారు మీ అరిగిపోయిన చెప్పులు ఇస్తే ముద్దు పెట్టుకొంటాను.. థాంక్యూ ప్రియాంక (Priyanka Dutt) స్వప్న (Swapna Dutt)  మీ రిస్కులే మీకు శ్రీరామ రక్ష” అని బ్రహ్మాజీ తన ట్వీట్ లో పేర్కొన్నారు.

కొన్నిరోజుల క్రితం నాగ్ అశ్విన్ అరిగిపోయిన చెప్పుల ఫోటోలు నెట్టింట వైరల్ అయ్యాయి. 600 కోట్ల రూపాయల బడ్జెట్ తో సినిమా తీసిన దర్శకుడు అరిగిపోయిన చెప్పులు ధరిస్తూ సింపుల్ గా ఉంటారా అంటూ నెటిజన్లు సైతం కామెంట్లు చేస్తున్నారు. కల్కి సినిమా సులువుగానే 1000 కోట్ల రూపాయల కలెక్షన్ల మార్కును దాటే అవకాశాలు ఉన్నాయి. ప్రభాస్ ఫ్యాన్స్ కల్కి సినిమా రిజల్ట్ విషయంలో సంతోషంగా ఉన్నారు.

కల్కి సినిమా సంచలనాలు మరికొన్ని రోజుల పాటు కొనసాగే ఛాన్స్ ఉంది. కల్కి మూవీ సాధించిన రికార్డ్స్ ఇప్పట్లో బ్రేక్ కావడం కూడా సులువు కాదని కామెంట్లు వ్యక్తమవుతున్నాయి. కల్కి సినిమా సీక్వెల్ ఎలా ఉండబోతుందో అంటూ ఫ్యాన్స్ ఆసక్తిగా ఎదురుచూస్తున్నారు. కల్కి సినిమా ప్రభాస్ కెరీర్ లో స్పెషల్ సినిమాగా నిలిచిపోతుందని కామెంట్లు వ్యక్తమవుతూ ఉండటం గమనార్హం.

తెలుగు సినిమా అనుకొంటే world సినిమా తీశారు .@nagashwin7 గారు మీ అరిగిపోయిన చెప్పులు ఇస్తే ముద్దు పెట్టుకొంటాను ❤️..thank యూ ప్రియాంక ..స్వప్న ..
మీ రిస్కులే మీకు శ్రీరామ రక్ష .#Kalki2808AD @VyjayanthiFilms

— Brahmaji (@actorbrahmaji) July 1, 2024