Hema: రేవ్ పార్టీ గురించి మీడియా పై హేమ సెటైర్లు.. వీడియో వైరల్.!

హేమ (Hema) రేవ్ పార్టీ గొడవ అంతా ఇంతా కాదు. బెంగళూరులో జరిగిన ఓ రేవ్ పార్టీలో ఆమె దొరకడం.. తర్వాత పోలీస్ రైడ్ లో దొరకడం.. అందరికీ తెలిసిందే. అయితే ఆ పార్టీతో తనకు సంబంధం లేదు.. నేను హైదరాబాద్ లోనే ఉన్నాను అంటూ ఆమె ఓ వీడియో చేసి రిలీజ్ చేసి.. మరిన్ని చిక్కులు కొని తెచ్చుకున్నట్టు అయ్యింది. ఆ వీడియో చూసిన బెంగళూరు పోలీసులు ఆమె ఫోటోని రిలీజ్ చేసి అందరినీ తప్పుదోవ పట్టిస్తుంది అని ప్రూవ్ చేశారు.

అయినా హేమ తగ్గలేదు నేను హైదరాబాద్లోనే ఉన్నాను, చికెన్ బిర్యానీ చేస్తున్నాను అంటూ ఆమె మరో వీడియో రిలీజ్ చేసింది. ఆ తర్వాత ‘ఆమె బెంగళూరులో ఏర్పాటు చేసిన విచారణకు హాజరు కాలేదు ఒంట్లో బాలేదు అంటూ తప్పించుకుంది’ అంటూ మళ్ళీ ఓ లెటర్ రిలీజ్ చేయడం జరిగింది. అటు తర్వాత ఆమెకు బెంగళూరు నార్కోటిక్స్ బ్యూరో మెడికల్ టెస్టులు చేయించి.. అబ్జర్వేషన్ లో పెట్టి ఆమెకు కౌన్సలింగ్ ఇప్పించిన సంగతి తెలిసిందే.

అయితే మొత్తానికి ఆమె ఆ రేవ్ పార్టీ, డ్రగ్స్ కేసు నుండి బయట పడినట్టు ఉంది. తాజాగా ఆమె తిరుమల వెళ్లి శ్రీ వెంకటేశ్వర స్వామిని దర్శించుకుంది. ఆ తర్వాత మీడియాతో ముచ్చటించింది. ఈ క్రమంలో ఆమెను ‘రేవ్ పార్టీ గురించి ప్రశ్నించారు విలేకరులు. ఇందుకు ఆమె ‘ రేవ్ పార్టీ గురించి మీరే చాలా వార్తలు రాశారు కదా. అప్పుడు మీకే తెలియాలి’ అంటూ ఆమె చమత్కరించింది. ఇందుకు సంబంధించిన వీడియో ఇప్పుడు వైరల్ అవుతుంది.

 

View this post on Instagram

 

A post shared by Filmy Focus | తెలుగు (@filmyfocus)