Naresh: పరిస్థితి చేయి దాటిన తరువాతే విడాకులు ఇచ్చాను: నరేష్

July 2, 2022 / 04:33 PM ISTByFilmy Focus

Join Us

Naresh: పరిస్థితి చేయి దాటిన తరువాతే విడాకులు ఇచ్చాను: నరేష్

ప్రస్తుతం టాలీవుడ్ చిత్ర పరిశ్రమలో నరేష్, రమ్య రఘుపతి, పవిత్ర లోకేష్ వ్యవహారం సంచలనంగా మారింది. గత కొద్ది రోజులుగా వీరి గురించి పెద్ద ఎత్తున సోషల్ మీడియాలో వార్తలు వస్తున్నాయి. నరేష్ ఇప్పటికే మూడు పెళ్లిళ్లు చేసుకుని విడాకులు తీసుకోగా మరోసారి నాలుగో పెళ్లికి సిద్ధమయ్యారని వార్తలు రావడంతో ఈ విషయంపై పవిత్ర స్పందిస్తూ మా రిలేషన్ కి కృష్ణ ఫ్యామిలీ సపోర్ట్ ఉందని వెల్లడించారు. త్వరలోనే పెళ్లి కూడా చేసుకోబోతున్నారని వార్తలు రావడంతో నరేష్ మూడవ భార్య రమ్య సీన్ లోకి ఎంట్రీ ఇచ్చారు.

ఈ క్రమంలోని వీరిద్దరి రిలేషన్ పై ఆమె స్పందిస్తూ..వీరిద్దరు పెళ్లి చేసుకోబోతున్నారని వార్తలు మాత్రమే వచ్చాయి. ఇంకా వారి నుంచి ఏ విధమైనటువంటి అధికారిక ప్రకటన వెలువడలేదు అంటూ తెలిపారు. అయినా నరేష్ కు నాకు విడాకులు అధికారకంగా రాలేదు విడాకులు రాకుండానే ఎలా పెళ్లి చేసుకుంటారని రమ్య షాకింగ్ కామెంట్స్ చేశారు. అదేవిధంగా పవిత్ర లోకేష్ కారణంగానే మా మధ్య గొడవలు వచ్చాయని ఆమె వల్లే మేము విడిపోయాము అంటూ రమ్య సంచలన వ్యాఖ్యలు చేశారు.

ఇక ఈ విషయాలన్నీ నాకు ముందే తెలుసు అని అయితే తన కొడుకు కోసమే వీటిని భరిస్తూ వచ్చానని రమ్య తెలిపారు.ఈ విధంగా రమ్య చేస్తున్న వ్యాఖ్యలపై నరేష్ స్పందిస్తూ రమ్య గురించి సంచలన వ్యాఖ్యలు చేశారు. ఈ సందర్భంగా నరేష్ స్పందిస్తూ రమ్య తనకు ఏ రోజు సరైన భార్యగా వ్యవహరించలేదని తెలిపారు. ఇంట్లో ఫంక్షన్ జరిగితే రమ్య మెల్ క్యాబ్ డాన్సర్ ను పిలిపించుకుంటుందని ఈయన తన భార్య గురించి ఓపెన్ అయ్యారు.

రమ్య గురించి మాట్లాడుతూ ఆమె ఏకంగా తన డ్రైవర్ తో ఎఫైర్ పెట్టుకుందని, చెప్పడానికి ఎంతో అసహ్యంగా ఉండే పనులు చేస్తూ ఉండేదని ఇదేంటి అని నిలదీస్తే తనకు ఏవేవో వివరణలు చెప్పుకునేదని నరేష్ వెల్లడించారు. ఇకపోతే పరిస్థితులు మొత్తం చేయి దాటి పోవడంతో విడాకులు ఇచ్చానని నరేష్ ఈ సందర్భంగా రమ్య గురించి చేసిన వ్యాఖ్యలు వైరల్ అవుతున్నాయి. మరి ఈ వార్తలపై రమ్య ఏ విధంగా స్పందిస్తుందో తెలియాల్సి ఉంది.