Posani Krishna Murali: పోసాని మిస్సింగ్.. ఆందోళనలో నిర్మాతలు?

September 30, 2021 / 02:05 PM ISTByFilmy Focus

Join Us

Posani Krishna Murali: పోసాని మిస్సింగ్.. ఆందోళనలో నిర్మాతలు?

పవన్ కళ్యాణ్ పై రీసెంట్ గా ప్రెస్ పెట్టి మరి పోసాని కృష్ణ మురళి తీవ్ర స్రాయిలో వివదస్పదంగా వ్యాఖ్యలు చేసిన విషయం తెలిసిందే. ఏ మాత్రం గ్యాప్ లేకుండా మాటల డోస్ పెంచడంతో పోసానిపై అభిమానులు కూడా తీవ్ర స్థాయిలో ఆగ్రహం వ్యక్తం చేశారు. ప్రెస్ క్లబ్ బయట ఉన్నప్పుడే కొందరు పోసానిపై దాడి చేసేందుకు ప్రయత్నం చేశారు.

ఇక రీసెంట్ గా పోసాని ఇంటిపై గుర్తు తెలియని వ్యక్తులు దాడి చేసినట్లుగా తెలుస్తోంది. హైదరాబాద్ యెల్లారెడ్డిగూడలో పోసాని ఇంటి వద్ద అర్ధరాత్రి 2 గంటలకు దాడి జరిగినట్లు సమాచారం. ఇక పోసాని నివాసంలోని కొన్ని అద్దాలు దెబ్బతిన్నాయి. ఇక వెంటనే పోసాని పోసాని ఫిర్యాదు చేయగా, పోలీసులు ప్రస్తుతం సీసీటీవీ ఫుటేజీని వెరిఫై చేస్తున్నారు. ఇప్పటికే ఈ విషయంలో సోషల్ మీడియాలో అనేక రకాల ఆరోపణలు వెలువడుతున్నాయి.

అయితే ప్రస్తుతం పోసాని ఎవరికి అందుబాటులో లేరని తెలుస్తోంది. రెగ్యులర్ క్యారెక్టర్ ఆర్టిస్ట్ గా కొనసాగుతున్న పోసాని కృష్ణ మురళి వరుసగా సినిమాలు చేయడానికి కాల్షీట్స్ ఇచ్చారు. ఇక ఇప్పుడు ఎక్కడ ఉన్నాడో నిర్మాతలకు తెలియడం లేదట. ఫోన్ కూడా కలవడం లేదని తెలుస్తోంది. అయితే కాంబినేషన్ సెట్ చేసుకున్న నిర్మాతలు అందోళనలో ఉన్నట్లు సమాచారం. అతని మేనేజర్ కూడా పోసాని ఎక్కడ ఉన్నారో తెలియడం లేదని సమాధానం చెబుతున్నట్లు తెలుస్తోంది.