టాలీవుడ్ ప్రముఖ నటులలో ఒకరైన శివాజీ ఈ మధ్య కాలంలో సినిమాలలో నటించడం లేదనే సంగతి తెలిసిందే. కొన్ని నెలల క్రితం రాజకీయాలకు సంబంధించిన విషయాల ద్వారా శివాజీ వార్తల్లో నిలిచారు. పలువురు రాజకీయ నాయకులపై శివాజీ సంచలన ఆరోపణలు చేయగా ఆ ఆరోపణలు నెట్టింట వైరల్ అయ్యాయనే సంగతి తెలిసిందే. తాజాగా అల్లూరి టీజర్ లాంఛ్ ఈవెంట్ లో శివాజీ పాల్గొన్నారు. బాల్యం నుంచి నాకు అల్లూరి సీతారామరాజు అంటే సూపర్ స్టార్ కృష్ణ అని శివాజీ తెలిపారు.
సూపర్ స్టార్ కృష్ణను చూసి అల్లూరి సీతారామరాజు అంటే ఆయనలానే ఉంటారా అని అనుకునేవాడినని శివాజీ చెప్పుకొచ్చారు. సినిమా ఇండస్ట్రీకి బెక్కెం వేణుగోపాల్ చాలామందిని పరిచయం చేశారని శివాజీ కామెంట్లు చేశారు. అయితే ఆయనను నేనే ఇండస్ట్రీకి పరిచయం చేశానని గర్వంగా చెప్పగలనని శివాజీ చెప్పుకొచ్చారు. బెక్కెం వేణుగోపాల్ తీసే సినిమా కథలను నాకు చెబుతారని కొన్ని కథలు వద్దని చెబుతానని శివాజీ తెలిపారు. ఒక సినిమా కథ చెబితే వద్దని చెప్పినా తీసి వేణుగోపాల్ చేతులు కాల్చుకున్నాడని
అల్లూరి కథను మాత్రం విన్న వెంటనే సంతోషంగా చేసుకోవచ్చని చెప్పానని తెలిపారు. గతంలో పోలీస్ కథలతో చాలా సినిమాలు వచ్చినా ఈ సినిమా కొత్తదనంతో ఉంటుందని శివాజీ కామెంట్లు చేయడం గమనార్హం. నిజాయితీగా ఉండేవాడిని చూడటానికి మనం ఇష్టపడతామని అందువల్లే పోలీస్ కథలు చాలా వరకు హిట్టవుతాయని శివాజీ చెప్పుకొచ్చారు. పాలెం బస్సు సంఘటన వల్ల తాను సినిమాలకు దూరమయ్యానని శివాజీ తెలిపారు.
అలా జరగకపోతే పదేళ్లలో పది పదిహేను సినిమాలలో నటించి రూ.కోట్లు సంపాదించేవాడినని శివాజీ కామెంట్లు చేశారు. శివాజీ చెప్పిన విషయాలు ప్రస్తుతం నెట్టింట వైరల్ అవుతున్నాయి. ప్రతి ఒక్కరూ పిల్లలకు అల్లూరి భావాలను ఇవ్వడానికి ప్రయత్నించాలని శివాజీ పేర్కొన్నారు.
Most Recommended Video
టాలీవుడ్ లో రీ ఎంట్రీ ఇవ్వబోతున్న 10 మంది హీరోయిన్స్ లిస్ట్..!
అభిమానులకు అవకాశాలు ఇచ్చి బ్లాక్ బస్టర్లు అందుకున్న హీరోలు..!
ఈ ఏడాది బాక్సాఫీస్ వద్ద సక్సెస్ అయిన 13 సినిమాల లిస్ట్..!
