టాలీవుడ్లో వరుసగా ప్రేమకథలు వస్తున్న సమయంలో తమిళ పరిశ్రమ నుండి వచ్చిన హీరో శ్రీకాంత్ అలియాస్ శ్రీరామ్. ‘రోజా పూలు’ సినిమాతో ఒక్కసారిగా లవర్ బాయ్గా పేరు తెచ్చుకున్నారు. ఆ తర్వాత యాక్షన్ సినిమాలవైపు వెళ్లారు. ఆ సినిమాల తర్వాత రెండింటి మేళవింపు సినిమాలతో ఆకట్టుకునే ప్రయత్నం చేస్తున్నారు. ఈ నేపథ్యంలో ఒకటి రెండు సినిమాలు ఆకట్టుకున్నా.. ఆశించినంత మేర రాణించలేదు అనే చెప్పొచ్చు. ఈ క్రమంలో శ్రీకాంత్ ఓ టీవీ షోకి అతిథిగా విచ్చేశారు. అందులో తన కెరీర్ గురించి వివరించారు.
చిన్నతనం నుండి సినిమాల వరకు చాలా విషయాలను పంచుకున్నారు శ్రీరామ్. చిన్నతనంలో అంటే ఐదో ఏటనే సంపాదించే పనిలో ఉన్నానని చెప్పార. తన తండ్రి సైకిల్ కొనిస్తే… దానిని ఆ రోజుల్లోనే ఐదు రూపాయాలకు రెంట్కి ఇచ్చేవాడినని చెప్పారు శ్రీరామ్. అలాగే తనకు ఓ సినిమా సెట్లో జరిగిన ప్రమాదం గురించి కూడా చెప్పారు. ఒకరి తప్పిదం వల్ల గతంలో ఓ అగ్ని ప్రమాదంలో చిక్కుకున్నానని, శరీరం చాలావరకు కాలిపోయిందని శ్రీరామ్ చెప్పారు.
ఆ అగ్ని ప్రమాదంలో చొక్కాకు చర్మ అతుక్కుందని, పెదాలు కూడా కాలిపోయాయని శ్రీరామ్ చెప్పారు. అయితే అది ఏ సినిమా సెట్లో జరిగింది అనేది తెలియాలంటే ఎపిసోడ్లో చూడాలి. అలాగే ‘ఒకరికి ఒకరు’ సినిమా షూటింగ్ టైమ్లో దర్శకుడు రసూల్ ఎల్లోర్, హీరోయిన్, తన మధ్య జరిగిన సరదా సన్నివేశాల గురించి కూడా వివరించారు శ్రీరామ్. తన తండ్రి తెలుగువారని, తల్లి తమిళనాడుకి చెందిన వారని చెప్పారు శ్రీరామ్. ఓ సినిమా షూటింగ్ కోసం రామోజీ ఫిల్మ్ సిటీకి వస్తే అక్కడ రజనీకాంత్ను కలిసే అవకాశం ఎలా వచ్చింది, అప్పుడు ఏం జరిగింది అనేది కూడా చెప్పారు.
ఓ రోజు సినిమా సెట్లో ఉండగా… రజనీకాంత్ వెనుక నుండి వచ్చి హగ్ చేసుకున్నారని, వెనక్కి తిరిగి చూసి అవాక్కయ్యాయని చెప్పారు. నన్ను గుర్తుపట్టి, మెచ్చుకోవడం, అంతసేపు మాట్లాడటం చాలా ఆనందాన్నిచ్చిందని శ్రీరామ్ చెప్పారు. దీంతోపాటు ఆయన మరిన్ని వివరాలు వెల్లడించారు. అవన్నీ వచ్చే సోమవారం తెలుస్తాయి.
Most Recommended Video
బ్రహ్మానందం కామెడీతో హిట్టైన 10 సినిమాల లిస్ట్..!
తమిళంలో సత్తా చాటిన తెలుగు సినిమాలు … టాప్ 10 లిస్ట్ ఇదే ..!
అంతా ఓకే అయ్యి ఆగిపోయిన చిరంజీవి సినిమాలివే!
