టాలీవుడ్ ఇండస్ట్రీలో నంబర్ వన్ డ్యాన్సర్ ఎవరనే ప్రశ్నకు వేర్వేరు హీరోల పేర్లు సమాధానంగా వినిపిస్తున్నాయి. ఈతరం హీరోలలో జూనియర్ ఎన్టీఆర్, అల్లు అర్జున్, రామ్ చరణ్, రామ్ అద్భుతంగా డ్యాన్స్ చేస్తారని అభిమానుల నుంచి అభిప్రాయాలు వ్యక్తమవుతున్నాయి. తాజాగా ఒక ఇంటర్వ్యూలో పాల్గొన్న సుమన్ తన ఫేవరెట్ హీరో కమల్ హాసన్ అని కామెంట్లు చేశారు. కమల్ సినిమాలు అంటే ఎంతో ఇష్టమని ఆయన తెలిపారు.
సినిమా రంగంలో ఫ్లోర్ చూసి డ్యాన్స్ వేయని ఒకే ఒక హీరో మెగాస్టార్ చిరంజీవి అని ఆయన డ్యాన్స్ అంటే ఎంతో ఇష్టమని సుమన్ వెల్లడించారు. డ్యాన్స్ చేసే సమయంలో చిరంజీవి శరీరంలో ఒక రిథమ్ ఉంటుందని ఆయన కామెంట్లు చేశారు. యంగ్ జనరేషన్ స్టార్ హీరోలు మెగాస్టార్ కంటే ఫాస్ట్ గా డ్యాన్స్ చేస్తున్నారని ఆయన తెలిపారు. మెగాస్టార్ తర్వాత ఆ స్థాయిలో డ్యాన్స్ చేసే హీరో జూనియర్ ఎన్టీఆర్ అని ఆయన వెల్లడించారు.
జూనియర్ ఎన్టీఆర్ డ్యాన్స్ లో కూడా రిథమ్ ఉంటుందని సుమన్ కామెంట్లు చేశారు. సుమన్ తారక్ గురించి పాజిటివ్ గా చెప్పడంతో తారక్ అభిమానులు సైతం తెగ సంతోషిస్తున్నారు. సుమన్, తారక్ కాంబినేషన్ లో పలు సినిమాలు తెరకెక్కిన సంగతి తెలిసిందే. ఈ సినిమాలలో కొన్ని సినిమాలు హిట్టైతే కొన్ని సినిమాలు ఫ్లాప్ అయ్యాయి. తారక్ మాత్రం వెండితెరపై వరుస విజయాలు అందుకుంటున్నారు.
బుల్లితెరపై పలు షోలకు హోస్ట్ గా వ్యవహరించిన తారక్ ఆ షోలతో తన హోస్టింగ్ ద్వారా మెప్పించారు. బిగ్ బాస్ సీజన్ 1కు హోస్ట్ గా వ్యవహరించిన తారక్ ఎవరు మీలో కోటీశ్వరులు షో ద్వారా కూడా ప్రేక్షకుల ప్రశంసలు అందుకున్నారు. త్వరలో తారక్ కొరటాల శివ డైరెక్షన్ లో తెరకెక్కే సినిమాలో నటించనున్నారు. ఈ సినిమా కోసం తారక్ ఏకంగా 55 కోట్ల రూపాయలు రెమ్యునరేషన్ గా తీసుకుంటున్నారు.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
తెలుగులో అత్యధిక థియేట్రికల్ బిజినెస్ చేసిన సినిమాల లిస్ట్..!
‘ఆర్.ఆర్.ఆర్’ తో పాటు బాక్సాఫీస్ వద్ద భారీ లాభాలను అందించిన 10 సినిమాల లిస్ట్..!
Home