తెలుగు సినిమాల్లో అక్క,వదిన, అత్త వంటి పాత్రలు చేసే సురేఖ వాణి.. ఒకానొక సమయంలో బిజీ యాక్ట్రెస్ గా రాణించింది. అలా 2019 వరకూ ఈమె హవా బాగానే కొనసాగింది. కానీ ఆ ఏడాది ఈమెకు ఊహించని ఎదురుదెబ్బ తగిలింది. సురేఖ వాని భర్త అయిన సురేష్ తేజ అనారోగ్యం కారణంగా ఈ లోకాన్ని విడిచి వెళ్ళిపోయాడు. ఆ విషయాన్ని జీర్ణించుకోలేక ఈమె డిప్రెషన్ కు లోనయ్యింది. అయితే కూతురు సుప్రీత కోసం మొండి ధైర్యంతో త్వరగానే కోలుకుంది లెండి.
అయితే అప్పటి నుండీ ఈమె సినిమాలు చాలా వరకూ తగ్గించేసిందనే చెప్పాలి. దాంతో అటు తరువాత నుండీ దర్శకనిర్మాతలు ఈమెను సంప్రదించడం మానేశారు. ఇదిలా ఉండగా.. మొన్నామధ్య సురేఖ వాణి రెండో పెళ్లి చేసుకోవడానికి రెడీ అయ్యింది అంటూ వార్తలు వచ్చాయి. ఇదే విషయం పై ఆమె కూతురు సుప్రీతను ప్రశ్నించగా ఆమె మీడియా పై నిప్పులు చెరిగిన సంగతి తెలిసిందే. అటు తరువాత సురేఖ వాణి కూడా తనకు ఆ ఉద్దేశం లేదని స్పష్టం చేసింది. అయితే ఇటీవల ‘నేను ప్రేమలో పడ్డాను’ అంటూ ఓ పోస్ట్ పెట్టి అందరికీ షాకిచ్చింది సురేఖ.
విషయంలోకి వెళ్తే ఈమె ప్రేమలో పడింది వ్యక్తితో కాదు ఓ డైమండ్ నక్లీస్ తో అని తరువాత తెలిపింది.దీంతో ఓ బంగారు ఆభరణాలను ప్రమోట్ చేస్తూ ఆమె ఈ పోస్ట్ పెట్టినట్టు స్పష్టమయ్యింది. ఇక ఈ మధ్యకాలంలో సురేఖ వాణి ‘డర్టీ హరి’ అనే సినిమాలో నటించింది. దాంతో పాటు విజయ్ ‘మాస్టర్’ సినిమాలో కూడా నటించింది కానీ ఆ సినిమాలో ఈమె సన్నివేశాలు ఎడిటింగ్ లో కట్ చేసారని తెలుస్తుంది.
Most Recommended Video
వైల్డ్ డాగ్ సినిమా రివ్యూ & రేటింగ్!
సుల్తాన్ సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!
