Actress Aamani: ఆ స్టార్ డైరెక్టర్ ఆమనికి ఛాన్స్ ఇస్తారా?

స్టార్ డైరెక్టర్ రాజమౌళి డైరెక్షన్ లో ఒక్క సినిమాలో అయినా నటించాలని ఎంతోమంది సెలబ్రిటీలు కోరుకుంటారనే సంగతి తెలిసిందే. కొంతమంది నటీనటులకు రాజమౌళి తన సినిమాలలో వరుసగా అవకాశాలను ఇస్తుండగా రాజమౌళి డైరెక్షన్ లో నటించాలని కోరిక ఉన్నా నటించని సెలబ్రిటీల జాబితా ఎక్కువగానే ఉంది. అయితే రాజమౌళి డైరెక్షన్ లో ఒక్క సినిమాలో అయినా నటించాలని ఉందని ఆమని తన మనస్సులోని మాటను బయటపెట్టారు. తెలుగు, తమిళ భాషల్లో పదుల సంఖ్యలో సినిమాల్లో నటించి ఆమని పాపులారిటీని సంపాదించుకున్నారు.

Click Here To Watch

ఈవీవీ సత్యనారాయణ డైరెక్షన్ లో తెరకెక్కిన జంబలకిడిపంబ సినిమాతో నటిగా ఆమని కెరీర్ ను మొదలుపెట్టారు. తొలి సినిమాతోనే ఆమని భారీ బ్లాక్ బస్టర్ హిట్ ను అందుకున్నారు. మిస్టర్ పెళ్లాం సినిమాతో ఆమని నటిగా ప్రశంసలు అందుకోవడంతో పాటు అవార్డులను సైతం సొంతం చేసుకున్నారు. కోలీవుడ్ ప్రొడ్యూసర్ ను వివాహం చేసుకున్న ఆమని పెళ్లి తర్వాత కొంతకాలం సినిమాలకు దూరంగా ఉన్నారు. ఆమని పెళ్లి తర్వాత ఆర్థిక ఇబ్బందులను ఎదుర్కొన్నారని వార్తలు వచ్చాయి.

సెకండ్ ఇన్నింగ్స్ లో ఆమని వరుసగా సినిమాలలో నటిస్తూ సత్తా చాటుతున్నారు. ప్రస్తుతం ఆమని వరుసగా బుల్లితెర సీరియళ్లలో నటిస్తూ బిజీగా ఉన్నారు. ఆమె నటిస్తున్న సీరియళ్లకు మంచి రేటింగ్స్ వస్తున్నాయి. తాజాగా ఆమని మాట్లాడుతూ ఒక నటికి ఎన్ని పాత్రల్లో నటించినా సంతృప్తి రాదని ఇంకా ఏదో సాధించాలనే తపన ఉంటుందని ఆమె చెప్పుకొచ్చారు. చచ్చేలోపు రాజమౌళి దర్శకత్వంలో నటించాలని తన కోరిక అని ఆమని కామెంట్లు చేశారు.

రాజమౌళి డైరెక్షన్ లో చిన్న పాత్ర అయినా నటిస్తానని ఆమని చెప్పుకొచ్చారు. జక్కన్న డైరెక్షన్ లో ఆమనికి ఛాన్స్ దక్కుతుందో లేదో చూడాల్సి ఉంది. అల్లంత దూరాన సినిమా ప్రమోషన్స్ లో భాగంగా మీడియాకు ఇంటర్వ్యూలు ఇస్తున్న ఆమని ఈ విషయాలను వెల్లడించారు. రాజమౌళి తర్వాత సినిమాలో ఆమనికి ఛాన్స్ దక్కుతుందేమో చూడాలి.

భామా కలాపం సినిమా రివ్యూ & రేటింగ్!

Most Recommended Video

ఖిలాడి సినిమా రివ్యూ & రేటింగ్!
సెహరి సినిమా రివ్యూ & రేటింగ్!
10 మంది పాత దర్శకులితో ఇప్పటి దర్శకులు ఎవరు సరితూగుతారంటే..!