స్టార్ హీరోలతో కలిసి పనిచేయడానికి ఇప్పుడు అనుభవం అవసరం లేదు. కాస్త కొత్తగా ఆలోచిస్తే సరిపోతుంది. ప్రశాంత్ వర్మ విభిన్నమైన కథతో “అ!” సినిమాని తెరకెక్కించారు. ఈ చిత్రం అందరితో “అ..” అనిపించింది. అలాగే డాక్టర్ రాజశేఖర్ తో మూవీ చేసే అవకాశం అందుకున్నారు. వీరిద్దరి కలయికలో ‘కల్కీ’ రాబోతున్నట్లు అధికారిక ప్రకటన వెలువడింది. ప్రీ ప్రొడక్షన్ వేగంగా జరుపుకుంటున్న ఈ మూవీ కోసం ఆర్టిస్టుల సెలక్షన్స్ జరుగుతోంది. మొదట ఇందులో హీరోయిన్ గా కాజల్ ను అనుకున్నారు. ఆమె భారీ పారితోషికం డిమాండ్ చేయడంతో డైరక్టర్ షాక్ తిన్నారు. “అ!” సినిమాతో ఇద్దరికీ పరిచయం ఉన్నప్పటికీ రెమ్యునరేషన్ విషయంలో ఎటువంటి తగ్గింపు ఇవ్వకపోవడంతో కాజల్ ని పక్కన పెట్టారు. తర్వాత అంజలి పేరు పరిశీలనకు వచ్చింది.
అయితే ఆమె తమిళ సినిమాలో ఫుల్ బిజీగా ఉంది. ఇప్పట్లో డేట్స్ ఖాళీ లేకపోవడంతో వద్దనుకున్నారు. తాజాగా ధన్సికను సంప్రదించినట్లుగా వార్తలు వినిపిస్తున్నాయి. ‘కబాలి’ చిత్రంలో రజినీకాంత్ కు కూతురుగా నటించిన సాయి ధన్సిక మంచి మార్కులు అందుకుంది. ఈ సినిమాతో తెలుగు వారికీ మరింత దగ్గర కానుంది. అయితే రాజశేఖర్ పెద్ద కూతురు శివాని ఏజ్ గ్రూప్ లో ఉండే సాయి ధన్సిక.. రాజశేఖర్ కు జోడీగా నటించడం బాగుండదని కొంతమంది అభిప్రాయం వ్యక్తం చేస్తున్నారు. మరి ఆ విమర్శలకు బయపడి హీరోయిన్ ని మారుస్తారా? లేకుంటే.. వయసు తేడాని మరిపించేలా నటిస్తారా? అనేది.. తెలుసుకోవాలంటే కొంతకాలం ఆగాల్సిందే.
