Dimple Hayati: ‘ఖిలాడీ’ ఫేమ్ డింపుల్ హయతి ఎమోషనల్ కామెంట్స్..!

‘గల్ఫ్’ ‘యురేకా’ ‘అభినేత్రి 2’ ‘గడ్డలకొండ గణేష్’ వంటి చిత్రాలతో ఫేమస్ అయ్యింది డింపుల్ హయతి. ప్రస్తుతం ఈ అమ్మడు రవితేజ హీరోగా నటిస్తున్న ‘ఖిలాడి’, ‘విశాల్ 31’ మూవీస్ లో హీరోయిన్ గా చేస్తుంది. ఎన్టీఆర్,చరణ్ లతో రాజమౌళి తెరకెక్కిస్తున్న భారీ మల్టీస్టారర్ ‘ఆర్.ఆర్.ఆర్’ లో కూడా ఈమె నటిస్తుందన్న ప్రచారం జరుగుతుంది కానీ.. ఇంకా ఆ విషయం పై స్పష్టత రాలేదు. ఇదిలా ఉండగా.. డింపుల్ హయతి సొంత ఊరు ఆంధ్రప్రదేశ్ లోని పశ్చిమ గోదావరి జిల్లాకు చెందిన పెంటపాడు గ్రామం.

ఈమెది ఉమ్మడి కుటుంబమట. అయితే ఇటీవల ఈమె కుటుంబ సభ్యుల్లో మొత్తం 10 మంది కరోనా బారిన పడినట్టు తెలిపి ఎమోషనల్ కామెంట్స్ చేసింది. ఆమె మాట్లాడుతూ.. “మాది జాయింట్ ఫ్యామిలీ. ఇటీవల మా ఫ్యామిలీలో మొత్తం 10 మందికి కరోనా సోకింది. వాళ్ళ పై ఒత్తిడిని తగ్గించేందుకు చాలా ప్రయత్నిస్తున్నాము.గత వారం రోజులుగా శారీరకంగా, మానసికంగా ఎన్నో కష్టాల‌ను ఎదుర్కోవాల్సి వస్తుంది. మా వాళ్ళ పరిస్థితి చాలా బాధాక‌రంగా ఉంది.

మా తాతయ్య గారు అయితే ప్రస్తుతం చెన్నైలోని ఓ ఆసుప‌త్రిలో ఐసీయూలో ఉండి ట్రీట్మెంట్ తీసుకుంటున్నారు. షూటింగులు, లాక్‌డౌన్ కారణంగా ప్రస్తుతం నేను హైదరాబాద్‌లోనే ఉంటున్నాను. ఈ టైములో నా ఫ్యామిలీ మెంబెర్స్ పక్కన ఉండే అవకాశం లేనందుకు చాలా బాధపడుతున్నాను” అంటూ భావోద్వేగానికి లోనయ్యింది డింపుల్ హయతి.

Most Recommended Video

టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!