Ileana: ప్రియుడి గురించి ఇలియానా ఎమోషనల్ పోస్ట్.. ఏం చెప్పారంటే?

June 11, 2023 / 12:51 AM ISTByFilmy Focus

Join Us

Ileana: ప్రియుడి గురించి ఇలియానా ఎమోషనల్ పోస్ట్.. ఏం చెప్పారంటే?

స్టార్ హీరోయిన్ ఇలియానా కొన్నిరోజుల క్రితం తాను గర్భవతి అయ్యానని కీలక ప్రకటన చేసిన సంగతి తెలిసిందే. అయితే ఈ బిడ్డకు తండ్రి ఎవరు? ఇలియానాకు పెళ్లైందా? అని చాలా ప్రశ్నలు వ్యక్తమయ్యాయి. అయితే ఈ నటి తాజాగా ఇన్ స్టాగ్రామ్ వేదికగా ఒక ఎమోషనల్ పోస్ట్ పెట్టగా ఆ పోస్ట్ తెగ వైరల్ అవుతోంది. ఇలియానా ఆ పోస్ట్ లో తల్లి కావడమనేది అపురూపమైన అనుభూతి అని చెప్పుకొచ్చారు.

ఇలాంటి ఆనందాన్ని నేను పొందుతానని ఎప్పుడూ ఊహించలేదని ఆమె పేర్కొన్నారు. ఈ ప్రయాణాన్ని నేను లక్ గా భావిస్తానని ఆమె చెప్పుకొచ్చారు. నాలో ఒక జీవి ప్రాణం పోసుకుంటే ఆ భావనను అనుభూతి చెందడం ఎంత మనోహరంగా ఉంటుందో వర్ణించలేకపోతున్నానని ఇలియానా అన్నారు. చాలారోజులు బేబీ బంప్ ను చూస్తున్నానని త్వరలో నిన్ను కలవనున్నానని ఇలియానా తెలిపారు. కొన్ని కష్టమైన రోజులు ఉన్నాయని వాటి నుంచి బయటకు రావడానికి ప్రయత్నాలు కొనసాగిస్తున్నానని ఆమె చెప్పుకొచ్చారు.

కొన్ని పరిస్థితులు గందరగోళానికి గురి చేయగా మరికొన్ని పరిస్థితులు నిస్సహాయతను కలిగించాయని ఇలియానా అన్నారు. చిన్నచిన్న విషయాలకు ఏడవకూడదని ధైర్యంగా ఉండాలని ఇలియానా చెప్పుకొచ్చారు. పుట్టబోయే బిడ్డను ఎలా చూసుకుంటానో తెలీదు కానీ ఆ బిడ్డను అమితంగా ఇష్టపడుతున్నానని ఇలియానా పేర్కొన్నారు. నా గురించి నేనే మరిచిపోయిన రోజుల్లో ప్రియుడు నాకు అండగా నిలిచాడని ఆమె చెప్పుకొచ్చారు.

అతను నాలో ధైర్యాన్ని నింపాడని కన్నీళ్లను తుడిచి చిరునవ్వులు పూయించాడని ఇలియానా వెల్లడించారు. నాకు ఎప్పుడు ఏం కావాలో తెలుసుకుని అతను నా చెంత నిలిచాడని ఆమె పేర్కొన్నారు. ఇకపై ఏదీ కష్టంగా అనిపించదని ఇలియానా కామెంట్లు చేశారు. ఇలియానా చెప్పిన విషయాలు సోషల్ మీడియాలో వైరల్ అవుతున్నాయి. ఇలియానా పరిమితంగా సినిమాలలో నటిస్తున్నారు.