ప్రేక్షకులను థియేటర్ కు రప్పించిన సినిమాలు ఇవే..!

భారతీయ సినీ పరిశ్రమలో ప్రస్తుతం నెంబర్ వన్ ఇండస్ట్రీ టాలీవుడ్. గత 2-3 ఏళ్ల నుండి బాక్స్ ఆఫీస్ వద్ద ఎక్కువ కలెక్షన్స్ సాధిస్తోంది తెలుగు సినిమాలే. ఈ ఏడాది అలా మొదలవగానే 7 చిత్రాలకు పైగా సూపర్‌హిట్ అయ్యాయి. తరువాత కాలంలో 5సినిమాలు బాక్సాఫీస్ దగ్గర సూపర్‌హిట్ అయ్యాయి. సినిమాల పరంగా ఈ 2023లో తెలుగు ఇండస్ట్రీ ఇప్పటికే మిగతా ఇండస్ట్రీల కన్నా ముందుంది. కరోనా తరువాత ఇతర ఇండస్ట్రీల కన్నా ఆడియెన్స్ ని ఎక్కువగా థియేటర్‌లకు రప్పించిన ఇండస్ట్రీ టాలీవుడ్ ఒక్కటే. మరి ఈ ఏడాది ఇప్పటివరకు విజయం సాధించిన సినిమాలు ఏమిటో ఇపుడు చూద్దాం..

1) వాల్తేరు వీరయ్య

మెగాస్టార్ చిరంజీవి, మాస్ మహారాజ ర‌వితేజ హీరోలుగా వచ్చిన వాల్తేర్ వీర‌య్య సినిమా సంక్రాంతికి విడుదలై 230 కోట్ల‌కు పైగా క‌లెక్ష‌న్స్ వసూల్ చేసింది. బాబీ కొల్లి దర్శకత్వం వహించిన ఈ చిత్రం బ్లాక్ బస్టర్ హిట్ కొట్టి, సంక్రాంతి విజేతగా నిలిచింది.

2) వీర సింహారెడ్డి

నందమూరి బాలకృష్ణ నటించిన వీర‌సింహారెడ్డి సంక్రాంతికి విడుదలై వంద కోట్ల‌కు పైగా వసూళ్లు రాబ‌ట్టింది. ఈ చిత్రాన్ని గోపీచంద్ మలినేని డైరెక్షన్ చేశారు. ఈ మూవీలో శృతి హాసన్, హానీరోజ్, వరలక్ష్మి శరత్ కుమార్ నటించారు.

3) సార్

కోలీవుడ్ హీరో ధనుష్ నటించిన మొదటి తెలుగు చిత్రం సార్. సంయుక్తా మీనన్ హీరోయిన్ గా నటించింది. వెంకీ అట్లూరి దర్శకత్వం వహించిన ఈ చిత్రంతో ధనుష్ తెలుగులో బ్లాక్ బస్టర్ హిట్ కొట్టారు.

4) బలగం

కమెడియన్ వేణు వెల్డండి దర్శకుడిగా మరి తీసిన మొదటి చిత్రం ‘బలగం. చిన్న సినిమాగా ఎటువంటి పబ్లిసిటీ లేకుండా, విడుదల అయిన ఈ సినిమా మౌత్ టాక్ తో మాత్రమే బ్లాక్ బస్టర్ హిట్ కొట్టింది.

5) దసరా

శ్రీకాంత్ ఓదెల తొలిసారి తెరకెక్కించిన దసరా చిత్రం సూపర్ హిట్ అయ్యింది. ఇందులో నేచురల్ స్టార్ నాని, కీర్తి సురేష్ హీరోహీరోయిన్లుగా నటించారు.

6) విరూపాక్ష

సాయిధరమ్ తేజ్, సంయుక్త మీనన్ జంటగా నటించిన సూపర్ నేచురల్ థ్రిల్లర్ విరూపాక్ష. కార్తీక్ దండు దర్శకత్వంలో వచ్చిన ఈ మూవీ సూపర్ హిట్ అయ్యింది.

7) బిచ్చగాడు 2

2016లో వచ్చిన బిచ్చగాడు మూవీ సీక్వెల్ గా వచ్చింది బిచ్చగాడు 2 . స్టార్టింగ్ లో మిక్స్డ్ టాక్ వచ్చింది కానీ.. ఫైనల్ గా మూవీ హిట్ అయ్యింది.

8) 2018

టోవినో థామస్ ప్రధాన పాత్రలో వచ్చిన చిత్రం 2018 . జూడ్ ఆంథోనీ జోసెఫ్ తెరకెక్కించిన ఈ చిత్రం 2018 లో కేరళలో వచ్చిన వరదల నేపథ్యం లో సాగుతుంది. ఈ మూవీ కూడా సూపర్ హిట్ అయ్యింది.

9) మేమ్ ఫేమస్

యూట్యూబర్ సుమంత్ ప్రభాస్ స్వీయ దర్శకత్వంలో.. హీరోగా వచ్చిన చిత్రం మేమ్ ఫేమస్. ఈ మూవీ పాజిటివ్ టాక్ తెచ్చుకుంది.

10) రైటర్ పద్మభూషణ్

చిన్న సినిమాగా రిలీజ్ అయిన రైటర్ పద్మభూషణ్ చిత్రం సూపర్ హిట్ అయ్యింది. ఈ చిత్రం లో సుహాస్ హీరోగా నటించారు.

11) వినరో భాగ్యము విష్ణు కథ

కిరణ్ అబ్బవరం హీరోగా వచ్చిన ఈ చిత్రం హిట్ గా నిలిచింది. వరుస ప్లాప్ ల తరువాత కిరణ్ ఈ చిత్రంతో విజయాన్ని అందుకున్నారు.

12) దాస్ కా ధమ్కి

విశ్వక్ సేన్, నివేదా పేతురాజ్ జంటగా నటించిన కామెడీ థ్రిల్లర్‌ సినిమా దాస్ కా ధమ్కి. విశ్వక్ సేన్ దర్శకత్వం వహించిన ఈ చిత్రం హిట్ గా నిలిచింది.