ఎన్టీఆర్, ఏఎన్నార్ వంటి ఎందరో స్టార్ హీరోల సరసన హీరోయిన్ గా నటించిన మంచి గుర్తింపు పొందిన అలనాటి నటి జయసుధ గురించి తెలియని వారంటూ ఉండరు. సహజనటిగా గుర్తింపు పొందిన జయసుధ ఎన్నో సినిమాలలో హీరోయిన్ గా నటించింది. ఆ తర్వాత సెకండ్ ఇన్నింగ్స్ ప్రారంభించి ఎంతోమంది కుర్ర హీరోలకు తల్లిగా నటించి తన నటనతో ప్రేక్షకులను బాగా ఆకట్టుకుంది. ముఖ్యంగా జయసుధ తల్లి పాత్రలలో నటించిన అమ్మానాన్న ఓ తమిళమ్మాయి, బొమ్మరిల్లు వంటి ఎన్నో సినిమాలు ప్రేక్షకులను బాగా ఆకట్టుకున్నాయి.
తాజాగా విజయ్ దళపతి హీరోగా వంశీ పైడిపల్లి దర్శకత్వంలో వచ్చిన వారిసు సినిమాలో కూడా జయసుధ విజయ్ తల్లిగా నటించింది. సంక్రాంతి కానుకగా విడుదలైన ఈ సినిమా తెలుగు తమిళ్ భాషలలో మంచి హిట్ అందుకుంది. ఇటీవల ఈ సినిమా సక్సెస్ మీట్ లో జయసుధ పాల్గొనింది. ఈ సందర్భంగా హీరో అజిత్ గురించి జయసుధని విలేఖరి ఒక ప్రశ్న అడిగాడు. ఇప్పటివరకు ఎందరో హీరోలకు తల్లిగా నటించిన మీరు అజిత్ కి తల్లిగా మాత్రం ఎందుకు నటించలేదు? అని ప్రశ్నించాడు.
జయసుధ ఈ ప్రశ్నకు స్పందిస్తూ…” గతంలో ఒక సినిమాలో అజిత్ కి తల్లిగా నటించే అవకాశం వచ్చింది. కానీ కరోనా వల్ల ఆ సినిమా షూటింగ్ మధ్యలోనే ఆగిపోయింది. ఇక ఆ తర్వాత షూటింగ్ మళ్లీ ప్రారంభమైన కూడా కరోనా భయం వల్ల నేను ఆ సినిమాలో నటించలేకపోయాను. ఆ సినిమాలో నా బదులు సుమిత్ర నటించింది. మళ్లీ అజిత్ కి తల్లి పాత్రలో నటించే అవకాశం వస్తే తప్పకుండా నటిస్తాను ” అంటూ జయసుధ వెల్లడించింది.
ప్రస్తుతం జయసుధ సౌత్ ఇండస్ట్రీలో తల్లిపాత్రలకు కేరాఫ్ అడ్రస్ గా మారిపోయింది. తెలుగు తమిళ్ భాషలలో వరుస సినిమాలలో నటిస్తూ బిజీగా ఉంటుంది. ఇదిలా ఉండగా ఇటీవల జయసుధ మూడవ పెళ్లి గురించి వార్తలు సోషల్ మీడియాలో తెగ వైరల్ అయ్యాయి. జయసుధ భర్త మరణించిన తర్వాత మరొక వ్యక్తిని వివాహం చేసుకున్నని వినిపిస్తున్న వార్తలపై ఇటీవల స్పందించింది. ఈ క్రమంలో తాను మూడవ పెళ్లి చేసుకోలేదని తన బయోపిక్ తీయడం కోసం ఆ వ్యక్తి తనతో పాటు ట్రావెల్ చేస్తున్నాడని స్పష్టం చేసింది.
2008 లోనే హనీ రోజ్ చేసిన తెలుగు సినిమా ఏదో తెలుసా ??
నటి శృతి హాసన్ పాడిన 10 పాటలు ఇవే!
షారుఖ్-సల్మాన్ కలిసొచ్చినా… బాహుబలి, ఆర్ఆర్ఆర్, కెజిఫ్ లను కొట్టలేకపోయారు!
కాంబినేషన్ మాత్రం క్రేజీ – కానీ అంచనాలు మించే సినిమాలు అవుతాయి అంటారా?
Home