మరో ఆఫర్ పట్టేసిన మహేష్ హీరోయిన్!

ధోని బయోపిక్  చిత్రం ద్వారా  హీరోయిన్ గా బ్యూటీ కైరా అద్వానీ పరిచయమైంది. ఈ చిత్రంతో గుర్తింపు లభించినా బాలీవుడ్ లో ఆమెకు మంచి అవకాశాలు తలుపు తట్టలేదు. అయితే టాలీవుడ్ నుంచి మంచి ఛాన్స్ పట్టేసింది. సూపర్ స్టార్ మహేష్ బాబు తో కలిసి నటించే అవకాశం అందుకుంది. కొరటాల శివ దర్శకత్వంలో తెరకెక్కుతోన్న భరత్ అనే నేను మూవీలో హీరోయిన్ గా నటిస్తోంది. ఈ చిత్రం రిలీజ్ కాకముందే ఈ అమ్మడు మరో మంచి ఛాన్స్ అందిపుచ్చుకుంది. మురగదాస్ స్పైడర్ తర్వాత తమిళంలో విజయ్ తో సినిమా చేస్తున్నారు.

ఈ మూవీలో హీరోయిన్ గా రకుల్ ప్రీత్, సోనాక్షి సిన్హా పేర్లను పరిశీలించారు. అయితే మురుగదాస్ కి వారికి కలిసి రాకపోవడంతో విజయ్ కైరాని సూచించారంట. దీంతో ఆమెను డైరక్టర్ ఓకే చెప్పినట్లు తెలిసింది. కోలీవుడ్ లోను స్టార్ హీరో, స్టార్ డైరక్టర్ సినిమాతో అడుగుపెట్టబోతోంది. తెలుగు, తమిళం ఎంట్రీ సినిమాలు హిట్ అయితే .. దక్షిణాది లో బాలీవుడ్ భామ టాప్ హీరోయిన్స్ జాబితాలో చేరిపోవడం గ్యారంటీ.