‘మిర్చి’ నటికి చేదు అనుభవం.. ఏమైందంటే?

నటి మాధవి అందరికీ సుపరిచితమే. ‘100 పర్సెంట్ లవ్’ (100% Love) వంటి సినిమాల్లో ఈమె క్యారెక్టర్ ఆర్టిస్ట్ గా చేసింది. అయితే ‘మిర్చి’ (Mirchi)సినిమా ఈమెకు మంచి గుర్తింపు తెచ్చిపెట్టింది అని చెప్పాలి. ఆ సినిమాలో ఈమె సుప్రీత్ (Supreeth Reddy) భార్యగా కనిపిస్తుంది. ‘కొడుకు కోసం ఈమె సూసైడ్ చేసుకోవాలనుకోవడం? ప్రభాస్ (Prabhas) పాత్ర హాస్పిటల్ కి వెళ్లి ఆమె కొడుకుని అప్పగించడం’ వంటి కొన్ని సీన్లకి మంచి మార్కులు పడ్డాయి. అప్పటి నుండి ‘మిర్చి’ మాధవిగా (Mirchi Madhavi)  ఈమె కెరీర్ ను కొనసాగిస్తుంది.

ఓ పక్క సినిమాల్లో నటిస్తూనే మరోపక్క బుల్లితెర పై ‘గుప్పెడంత మనసు’ వంటి సీరియల్స్ లో ఈమె నటిస్తోంది. ఇదిలా ఉండగా.. ఇటీవల మాధవి పాల్గొన్న ఓ ఇంటర్వ్యూల్లో కొన్ని షాకింగ్ కామెంట్స్ చేసి వార్తల్లో నిలిచింది. ఆమె మాట్లాడుతూ.. “ఇండస్ట్రీలో క్యాస్టింగ్ కౌచ్ గురించి నేను కూడా విన్నాను.నాకు కూడా అలాంటి చేదు అనుభవం ఒకటి ఎదురైంది. ఒక సినిమాలో నన్ను సెలెక్ట్ చేశారు. ఆ తర్వాత డైరెక్టర్ కి సంబంధించిన ఓ వ్యక్తి నాకు ఫోన్ చేసి..

‘మీకు ఈ సినిమాలో ఛాన్స్ ఉండాలంటే మాతో కమిట్ అవ్వాలి. మేము మొత్తం 5 మంది ఉన్నాం. మీకు ఓకేనా?’ అని అడిగాడు. దానికి నేను ‘గుడ్డలూడదీసి కొడతా’ అని మండిపడ్డాను. వెంటనే ఫోన్ పెట్టేశాడు. ఆ తర్వాత అలాంటి ఫోన్ కాల్స్ ఎక్కువ రాలేదు. నేరుగా అడిగే ఛాన్స్ నేను ఎవ్వరికీ ఇవ్వలేదు. ఇప్పుడు నేను చాలా మెచ్యూర్ గా ఆలోచిస్తున్నాను.

‘ఎవరైనా నాకు ఛాన్స్ ఇస్తామని ఆశ చూపించి’ అలాంటి ఫోన్లు చేస్తే ‘ఆపరా బాబూ.. నాకు చాలా పనులు ఉన్నాయి’ అంటూ ఆ ఛాన్స్ అవసరం లేదు అన్నట్టు బదులిస్తున్నాను.కొంతమంది కెరీర్లో ఎదగడానికి కమిట్మెంట్ ఇస్తారు. వాళ్ళ గురించి మనకు అనవసరం’ అంటూ చెప్పుకొచ్చింది మిర్చి మాధవి.