గతేడాది శాండల్ వుడ్ డ్రగ్స్ కేసులో నటి సంజనా గల్రానీను పోలీసులు అరెస్ట్ చేసిన సంగతి తెలిసిందే. దాదాపు మూడు నెలలపాటు జైలు శిక్ష అనుభవించిన ఆమె రీసెంట్ గా బయటకొచ్చింది. తాజాగా ఆమె చెల్లెలు నిక్కీ గల్రానీ పోలీసుస్టేషన్ కి వెళ్లి వార్తల్లో నిలిచింది. అసలు విషయంలోకి వస్తే.. నిక్కీ గల్రానీ.. బిజినెస్‌మెన్ నిఖిల్ హెగ్డేపై చీటింగ్ కేసు పెట్టినట్లు తెలుస్తోంది. 2016లో కర్ణాటకలోని కోరమంగలలో ఓ కేఫ్ పెట్టాలని నిఖిల్ తనను ఆశ్రయించినట్లు నిక్కీ వెల్లడించింది.
దీనికోసం ఆమె రూ.50 లక్షల పెట్టుబడి పెట్టినట్లు పేర్కొంది. అగ్రిమెంట్ ప్రకారం.. ప్రతీ నెలా తనకు లక్ష రూపాయలు చెల్లించాలని కానీ ఇప్పటివరకు పేమెంట్ చేయలేదని నిక్కీ గల్రానీ తన ఫిర్యాదులో పేర్కొంది. అంతేకాకుండా.. గత కొన్ని నెలలుగా తన ఫోన్ కాల్స్ కి సైతం సమాధానం ఇవ్వడం లేదని తెలిపింది. నిక్కీ ఇచ్చిన ఫిర్యాదు మేరకు పోలీసులు నిఖిల్ పై కేసు నమోదు చేశారు. ట్రయల్ కోర్టులో విచారణకు హాజరు కావాలని పోలీసులు నిఖిల్ కి నోటీసులు పంపించారు.
ఇక నిక్కీ గల్రానీ కెరీర్ విషయానికొస్తే.. తెలుగు, కన్నడ, తమిళ, మలయాళ భాషల్లో మొత్తం ముప్పైకి పైగా చిత్రాల్లో నటించింది. ప్రస్తుతం రెండు తమిళ సినిమాల్లో, ఒక తెలుగు సినిమాలో నటిస్తోంది.
Most Recommended Video
‘వకీల్ సాబ్ ‘ నుండీ ఆకట్టుకునే 17 పవర్ ఫుల్ డైలాగులు!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!
Home