సూపర్ స్టార్ కటౌట్ చూసి ప్రేమలో పడిన పూర్ణ

సీమటపాకాయ్, అవును చిత్రాల ద్వారా తెలుగు ప్రేక్షకులకు దగ్గరైన కేరళ నటి పూర్ణ. ఈమె రాజు గారి గదిలో దెయ్యంగా భయపెట్టి నవ్వించింది. ఇప్పుడు హాస్య నటుడు శ్రీనివాస్ రెడ్డి హీరోగా నటించిన  “జయమ్ము నిశ్చయమ్మురా” చిత్రంలో కథానాయికగా చేసింది. ఈ చిత్రం రేపు విడుదల కానుంది. ఈ సందర్భంగా ఆమె మీడియాతో మాట్లాడుతూ ఆసక్తికర సంగతులను గుర్తుచేసుకుంది. “నేను తొలిసారి షూటింగ్ కోసం హైదరాబాద్ కి వచ్చినప్పుడు కారులో తిరుగుతూ తెలుగు సినిమాల పోస్టర్లు చూసాను.

అందులో మహేష్ బాబు పోస్టర్ చూసి పేరు తెలియకుండానే ప్రేమలో పడిపోయాను. భలే హ్యాండ్సమ్ గా ఉంటారు. అతనితో శ్రీమంతుడు చిత్రంలో రామరామ పాటలో డ్యాన్స్ చేసే అవకాశం రావడం అదృష్టంగా భావిస్తున్నాను” అని వెల్లడించింది. మళ్లీ మీరు స్పెషల్ సాంగ్స్ లో చేస్తారా? అని విలేకరులు పూర్ణ ని అడగగా.. అందుకు ఆమె సమాధానం ఇస్తూ.. “నాకు ఐటెం సాంగ్స్ ఆఫర్స్ చాలా వచ్చాయి. కానీ అందులో వేసే కాస్ట్యూమ్ నచ్చక వద్దన్నాను. నేను స్పెషల్ సాంగ్స్ చేస్తాను కానీ, స్కిన్ షో చేయను” అని స్పష్టం చేసింది.

Also, do SUBSCRIBE to our YouTube channel to get latest Tollywood updates.