Actress Roja: రోజా నిర్ణయం వెనుక అసలు కారణమిదేనా?

April 4, 2022 / 11:52 PM ISTByFilmy Focus

Join Us

Actress Roja: రోజా నిర్ణయం వెనుక అసలు కారణమిదేనా?

ప్రముఖ నటి రోజాకు ప్రేక్షకుల్లో ఊహించని స్థాయిలో ఫ్యాన్ ఫాలోయింగ్ ఉందనే సంగతి తెలిసిందే. జబర్దస్త్ షో ప్రారంభం అయినప్పటి నుంచి రోజా ఈ షోకు జడ్జిగా వ్యవహరిస్తున్నారు. ఈ షోలో ఉన్నవాళ్లలో రోజా సీనియర్ కావడంతో పాటు ఆమెకు రెమ్యునరేషన్ కూడా ఎక్కువనే సంగతి తెలిసిందే. అయితే రోజా ఈ షోకు త్వరలో గుడ్ బై చెప్పబోతున్నారని జోరుగా ప్రచారం జరుగుతోంది. ఇలా ప్రచారం జరగడానికి ముఖ్యమైన కారణం ఉంది.

Click Here To Watch NOW

త్వరలో వైసీపీలో మంత్రుల విషయంలో మార్పులు జరగనున్నాయి. రోజాకు మంత్రి పదవి దక్కవచ్చని జోరుగా ప్రచారం జరుగుతోంది. రోజాకు మంత్రి పదవి దక్కితే మాత్రం ఆమె జబర్దస్త్ కు దూరం అవుతుందనడంలో ఎలాంటి సందేహం అవసరం లేదు. మరోవైపు ఈ మధ్య కాలంలో రోజా జబర్దస్త్ షోలో కనిపించడం లేదు. ఇంతకాలం రోజా ఈ షో తనకు అచ్చొచ్చిన షో కాబట్టి కొనసాగారు. మరోవైపు ఈ షోకు రోజురోజుకు క్రేజ్ తగ్గుతోంది.

గత కొంతకాలంగా ఈ షోకు రేటింగ్స్ సైతం అంతకంతకూ తగ్గుతున్నాయి. ఈ షోలో డైలాగ్స్ కొంచెం శృతి మించుతున్నాయని కూడా కామెంట్లు వినిపిస్తున్నాయి. ఈ షోలో ఉన్న టాలెంటెడ్ కమెడియన్లకు ఇతర ఛానెళ్ల నుంచి ఆఫర్లు వస్తున్నాయి. అందువల్ల కొంతమంది టాలెంటెడ్ కమెడియన్లు ఈ షోకు దూరమవుతున్నారు. అయితే రోజా నిజంగా ఈ షోకు దూరమవుతారో లేదో తెలియాలంటే కొంతకాలం ఆగాల్సిందే. రోజా దూరమైతే మాత్రం ఈ షోపై మరింత ఎఫెక్ట్ పడే ఛాన్స్ అయితే ఉంటుంది.

జబర్దస్త్ షో విషయంలో నిర్వాహకులు మరింత జాగ్రత్తగా వ్యవహరించాల్సిన అవసరం అయితే ఉంది. రాబోయే రోజుల్లో ఇతర కామెడీ షోల నుంచి ఈ షోకు పోటీ మరింత పెరిగే అవకాశాలు అయితే ఉన్నాయని చెప్పవచ్చు. మరోవైపు కరోనా వల్ల జబర్దస్త్ ఆర్టిస్టుల రెమ్యునరేషన్లు కూడా భారీగా తగ్గాయని వార్తలు ప్రచారంలోకి వస్తున్నాయి.