టాలీవుడ్లో స్టార్ హీరోయిన్ గా కొంతకాలం చక్రం తిప్పింది స్టార్ హీరోయిన్ సిమ్రాన్.సీనియర్ స్టార్ హీరోలందరికీ జోడీగా నటించి స్టార్ ఇమేజ్ ను దక్కించుకుంది. మహేష్ బాబుకి కూడా జోడీగా నటించింది. అయితే సిమ్రాన్ లా ఆమె చెల్లి కూడా సినీ పరిశ్రమలో అడుగుపెట్టిన సంగతి తెలిసిందే. సిమ్రాన్ కి ముగ్గురు చెల్లెల్లు ఉన్న సంగతి తెలిసిందే. అందులో రాథామోనాల్‌ నావల్‌ అలియాస్‌ మోనాల్ నావల్‌ ఒకరు. సిమ్రాన్ స్టార్ హీరోయిన్ గా ఓ వెలుగు వెళుతున్న తరుణంలో ఆమె పేరును ఒక ఐడెంటిటీగా మాత్రమే వాడుకుని ఇండస్ట్రీలో అడుగు పెట్టింది మోనాల్ నావల్‌.
ఈమె మోడల్ గా కెరీర్ ను ప్రారంభించింది. పలు ష్యాషన్‌ షోలలో కూడా పాల్గొంది. మిస్‌ బాంబే కిరీటాన్ని గెలుచుకుంది. 18 ఏళ్ల వయసులోనే ‘ఇంద్ర ధనుష్‌’ అనే కన్నడ చిత్రంతోనే ఈమె హీరోయిన్ గా ఎంట్రీ ఇచ్చింది.2000వ సంవత్సరంలో వచ్చిన ఈ మూవీ సో సో గానే ఆడింది. అటు తర్వాత విజయ్‌ హీరోగా వచ్చిన ‘ బద్రి’ లో హీరోయిన్‌గా చేసింది. అటు తర్వాత పార్వయ్‌ ఒండ్రే పోదుమే, లవ్‌లి, సుముదిరం వంటి వరుస సినిమాల్లో ఈమె నటించింది. ‘ఇష్టం’ అనే సినిమాలో స్పెషల్ సాంగ్‌ చేసి టాలీవుడ్లో కూడా ఎంట్రీ ఇచ్చింది.
బాలీవుడ్లో ‘మా తుఘే సలామ్‌’ వంటి సినిమాలో నటించింది. అయితే ఎవ్వరూ ఊహించని విధంగా మోనాల్ 2002 ఏ‍ప్రిల్‌ 14న చెన్నైలోని తన నివాసంలో ఉన్న గదిలో ఉరివేసుకుని సూసైడ్ చేసుకుంది. అయితే ఈమె ఎలాంటి సూసైడ్ నోటు రాసింది లేదు. ఈ క్రమంలో తన చెల్లెలు మరణానికి కారణం కొరియోగ్రాఫర్‌ ప్రసన్న సుజితేనని సిమ్రాన్ ఆరోపించి సెన్సేషన్ క్రియేట్ చేసిన సంగతి తెలిసిందే. ప్రేమ, పెళ్లి అంటూ తన చెల్లెల్ని మోసం చేయడం వల్లనే ఆమె ప్రాణాలు తీసుకుందని సిమ్రాన్ తెలిపింది.
అయితే వీటికి ఆధారాలు ఏమీ లేకపోవడంతో సిమ్రాన్ ఆరోపణలు చెల్లలేదు. మోనాల్ మరణం ఇప్పటికీ ఓ మిస్టరీగానే మిగిలిపోయింది. తాజాగా తన చెల్లెల్ని గుర్తు చేసుకుని సిమ్రాన్ కొన్ని ఎమోషనల్ కామెంట్స్ చేసింది. ‘నా అందమైన సోదరి మోనాల్ .. నిన్ను ఎప్పటికీ మర్చిపోలేను.’ అంటూ కామెంట్ పెట్టింది. అంతకు ముందు ‘నిన్ను తలచుకుని ఇప్పటికీ ఏడుస్తూనే ఉన్నాను.. నిన్నను ఎప్పటికీ మర్చిపోలేను’ అంటూ కూడా ఎమోషనల్ కామెంట్స్ చేసింది సిమ్రాన్.
In loving memory of my beautiful sister Monal. You’ll be never forgotten pic.twitter.com/4E78Ol6PZz
— Simran (@SimranbaggaOffc) April 14, 2023
శాకుంతలం సినిమా రివ్యూ & రేటింగ్!
అసలు పేరు కాదు పెట్టిన పేరుతో ఫేమస్ అయినా 14 మంది స్టార్లు.!
బ్యాక్ టు బ్యాక్ ఎక్కువ ప్లాపులు ఉన్న తెలుగు హీరోలు ఎవరంటే?
పూజా హెగ్డే కంటే ముందు సల్మాన్ ఖాన్ తో డేటింగ్ చేసిన 13 మంది హీరోయిన్లు!
