Subhashri, Ali: సీనియర్ హీరోయిన్ శుభశ్రీతో అలీ పెళ్ళి… అలీ భార్య ఏం చేసిందంటే..!

కమెడియన్ అలీ వ్యాఖ్యాతగా వ్యవహరిస్తున్న ‘అలీతో సరదాగా’ షోకి సీనియర్ హీరోలు,సీనియర్ హీరోయిన్లు, సీనియర్ దర్శకులు వచ్చి అప్పట్లో జరిగిన ఆసక్తికరమైన విశేషాలను, షూటింగ్ విశేషాలను మనకి తెలియజేస్తూ వస్తున్న సంగతి తెలిసిందే. ఇందులో భాగంగా తాజాగా ఎపిసోడ్ కు సీనియర్ హీరోయిన్ శుభ శ్రీ గెస్ట్ గా వచ్చింది. ఆమె ఒకప్పటి స్టార్ హీరోయిన్ మాలాశ్రీ చెల్లెలు అన్న సంగతి తెలిసిందే.అయితే శుభశ్రీ.. మాలాశ్రీ లా సక్సెస్ అవ్వలేదు కానీ గ్లామర్ పాత్రలు చేస్తూ చిన్న చిన్న సినిమాల్లో హీరోయిన్ గా నటించేది.

లేదు అంటే పెద్ద సినిమాల్లో సెకండ్ హీరోయిన్ గానో క్యారెక్టర్ ఆర్టిస్ట్ గానో కనిపించేది.అయితే ఈమె గ్లామర్ తో మాత్రం అప్పట్లో కుర్రకారుని ఓ ఊపు ఊపేసింది. నిజానికి శుభశ్రీ అసలు పేరు భారతి పాండే. కానీ ఆమె పోషించిన శుభశ్రీ పాత్ర ద్వారా పాపులర్ అవ్వడంతో.. అదే అసలు పేరయిపోయింది. అయితే గతంలో ఈమెకి కమెడియన్ అలీకి పెళ్ళైనట్టు ఓ మ్యాగ్జైన్ లో రావడం పెద్ద సంచలనమైంది. విషయంలోకి వెళితే..

శుభశ్రీ, అలీ హీరో హీరోయిన్లుగా ‘అల్లరి పెళ్ళికొడుకు’ అనే సినిమాలో నటించారు. ఈ సినిమాలో వాళ్ళిద్దరికీ పెళ్లి జరుగుతుంది. కానీ సినిమా షూటింగ్‌ దశలో ఉండగానే ఆ పెళ్ళి ఫోటో బయటకు వచ్చింది. అది కూడా ఓ మ్యాగజైన్‌ లో వీళ్ళకి పెళ్ళైపోయింది అంటూ కథనం రావడం.. ఆ మ్యాగ్జైన్ ను అలీ మామగారు కొనడం ఆ ఫోటో చూసి.. అలీ భార్య జుబేదాకి చూపించడం జరిగిందట. ఇందుకు అలీ భార్య పెద్ద షాక్ అవ్వడం.. ఇష్యు పెద్దది అవ్వడం కూడా జరిగిందట.

ఈ విషయాన్ని అలీ వివరించారు. అంతే దానికి శుభశ్రీ పడీ పడీ నవ్వింది. ఇక శుభశ్రీ తెలుగులో 15 సినిమాల్లో నటించారు. ‘పెదరాయుడు’ ‘పెద్దన్నయ్య’ ‘పోకిరి రాజా’ వంటి పెద్ద సినిమాల్లో ఈమె నటించింది. ‘అందరూ అందరే’ అనేది ఈమె మొదటి చిత్రం.

‘ఆర్.ఆర్.ఆర్’ మూవీ నుండీ అదిరిపోయే 20 డైలాగులు..!

‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
‘ప్రతిఘటన’ తో గోపీచంద్ తండ్రి టి.కృష్ణ దర్శకత్వం వహించిన సినిమాల లిస్ట్..!
5 ఏళ్ళ కెరీర్ లో రష్మిక మందన మిస్ చేసుకున్న సినిమాల లిస్ట్..!