అకాల మరణం పొందిన నటి వాణిశ్రీ కుమారుడు

May 23, 2020 / 01:04 PM ISTByFilmy Focus

Join Us

టాలీవుడ్ నేడు ఉదయం మరో దుర్వార్తతో నిద్ర లేచింది. ప్రముఖ నటి వాణిశ్రీ ఇంటిలో పెను విషాదం చోటు చేసుకుంది. ఆమె కుమారుడు అభినయ వెంకటేష్ ఆకస్మిక మరణం పొందినట్లు తెలుస్తుంది. ఆయన గుండె నొప్పితో గత రాత్రి నిద్రలోనే తుది శ్వాస విడిచినట్లు సమాచారం. ఉదయాన్నే ఆయన చలనం లేకుండా బెడ్ పై పడి ఉండడం గమనించిన కుటుంబ సభ్యులు ఆయన్ని ఆసుపత్రికి తరలించగా, వైద్యులు మరణించినట్లు ధృవీకరించారు.

వృత్తి రీత్యా డాక్టర్ అయిన అభినయ వెంకటేష్ చెనై అన్నపూర్ణ మెడికల్ కళాశాలలో డాక్టర్ గా పని చేస్తునట్లు సమాచారం. వాణిశ్రీకి అనుపమ అనే ఓ కుమార్తె ఉండగా, వెంకటేష్ ఒక్కగానొక్క కుమారుడు. ఆయన మరణంతో వాణిశ్రీ శోకంలో మునిగిపోయారు. విషయం తెలుసుకున్న చిత్ర ప్రముఖులు వారి కుటుంబానికి సంతాపం తెలియజేశారు. నేడు చెన్నైలో ఆయన అంత్య క్రియలు జరిగే ఆకాశం కలదు. 70-80లలో స్టార్ హీరోయిన్ గా ఉన్న వాణిశ్రీ చాలా కాలం క్యారెక్టర్ ఆర్టిస్ట్ గా కూడా చేశారు.

Actress Vanisri's Son Passed Away1

తను అంత పెద్ద నటి అయినప్పటికీ తన కుమారుడిని చిత్ర పరిశ్రమకు పరిచయం చేయకుండా, డాక్టర్ చేశారు. ఒక్కగానొక్క కుమారుడు అకాల మరణం చెందడంతో వాణీశ్రీ శోక సముద్రంలో మునిగిపోయారు.