అల్లు అర్జున్ ఎవరో తెలీదంటూ.. ఒకప్పటి హీరోయిన్ ఎల్.విజయలక్ష్మి షాకింగ్ కామెంట్స్..!

అల్లు అర్జున్… ఈ పేరుకు ప్రత్యేక పరిచయం అవసరం లేదు. అతను సన్ ఆఫ్ అల్లు అరవింద్ అని, గ్రాండ్ సన్ ఆఫ్ అల్లు రామలింగయ్య అని చెప్పుకోవాల్సిన అవసరం కూడా లేదు. ఎందుకంటే అల్లు అర్జున్.. ఆ రేంజ్లో ఫ్యాన్ ఫాలోయింగ్ ను సొంతం చేసుకున్నాడు. మొన్నటి వరకు అతను సౌత్ లోనే ఫేమస్ అనుకుంటే.. ‘పుష్ప’ తో దేశవ్యాప్తంగా పాపులర్ అయిపోయాడు. ఇప్పుడు ఈ చిత్రాన్ని విదేశాల్లో కూడా రిలీజ్ చేయడానికి ప్లాన్ చేస్తున్నారు.

ఇందులో భాగంగా మొదట రష్యాలో, తర్వాత చైనా లో రిలీజ్ చేయడానికి సిద్ధమవుతున్నారు మేకర్స్. ‘పుష్ప 2’ పై కూడా భారీ అంచనాలు నెలకొన్నాయి. అంత గొప్ప ఘనత సాధించిన అల్లు అర్జున్..గురించి ప్రధాన మంత్రి మోడీకి కూడా ప్రత్యేక పరిచయం అవసరం లేదు. అలాంటిది ఓ సీనియర్ హీరోయిన్ కు మాత్రం ఇతను తెలీదట. వివరాల్లోకి వెళితే.. అలీ హోస్ట్ చేస్తున్న అలీతో సరదాగా షోకి.. సీనియర్ నటీనటులు, దర్శకులు, సీనియర్ హీరోయిన్లు..

ఇలా చాలా మంది వస్తుంటారు. అందరితో అలీకి మంచి సాన్నిహిత్యం ఉంటుంది కాబట్టి.. చొరవ చేసుకుని పర్సనల్ విషయాలు కూడా అడిగేస్తూ ఉంటాడు. ఈ క్రమంలో తాజా ఎపిసోడ్ కు.. ఒకప్పటి హీరోయిన్ ఎల్. విజయలక్ష్మిని తీసుకొచ్చాడు అలీ. ఈ ఎపిసోడ్ కు సంబంధించిన ప్రోమో బయటకొచ్చింది. ఇందులో భాగంగా అలీ.. ‘ఈ జనరేషన్ హీరోలు నటించిన సినిమాలు ఏమైనా చూశారా?’ అని ఆమెను అడగ్గా.. అందుకు విజయలక్ష్మి ‘ ‘పుష్ప’ సినిమా చూశాను’ అని చెప్పింది.

అందుకు అలీ ‘ఆ హీరో ఎవరో తెలుసు కదా?’ అని అడిగితే ‘నాకు తెలీదు’ అని సమాధానం ఇచ్చింది. అందుకు అలీ ‘అల్లు రామలింగయ్య గారి మనవడు’ అంటూ తెలియజేశాడు. దీనికి ఆమె ‘ఈ మధ్య ఎవరైనా హీరో తెలీదు అంటే…. నాగేశ్వర రావు గారి మనవడు, రామానాయుడు గారి మనవడు’ అంటూ చెబుతున్నారు అంటూ కామెంట్ చేసింది. ఈ ప్రోమో ఇప్పుడు వైరల్ గా మారింది.

లవ్ టుడే సినిమా రివ్యూ& రేటింగ్!
తోడేలు సినిమా రివ్యూ & రేటింగ్!

ఇట్లు మారేడుమిల్లి ప్రజానీకం సినిమా రివ్యూ & రేటింగ్!
ఇప్పటి వరకు బాలయ్య పేరుతో వచ్చిన పాటలు ఇవే..