‘ఆహా’ ఓటీటీ కోసం ఓ సినిమాను ప్రచారం చేసినట్లే ప్రచారం చేస్తోంది టీమ్‌. గతంలో కొన్ని సందర్భాల్లో ఈ మాట మనం అనుకున్నాం. అలాగే ఇటీవల ‘అర్జున్‌ లీల’ అంటూ ఓ స్పెషల్‌ వీడియో యాడ్‌ను కూడా షూట్‌ చేశారు. దానిని పెద్ద వెబ్‌ సిరీస్‌లాగా, ప్రాజెక్ట్‌లాగా ప్రచారం చేశారు కూడా. ఆ విషయం ఇప్పుడు ఎందుకు అనేగా మీ డౌట్‌. ఉందీ కారణం ఉంది. అదే.. అలాంటి యాడ్‌ కోసం మరో హీరోయిన్‌ రెడీ అయిపోయిందా అని డౌట్‌. ఇదేం లెక్క. ఇలా కూడా ఉంటుందా అనొచ్చు. గతంలో జరిగింది కాబట్టి అంటున్నాం.
కేతిక శర్మ గుర్తుందా? ‘రొమాంటిక్‌’ సినిమా తర్వాత ఆమె చేసిన తెలుగు ప్రాజెక్ట్‌ అంటే ‘రంగ రంగ వైభవంగా’ అని చెప్పొచ్చు. అయితే ఆమె మధ్యలో ఓ యాడ్‌ చేసింది. అదే ‘ఆహా’ ఓటీటీ యాడ్‌. అల్లు అర్జున్‌తో ఓ బాయ్‌ ఫ్రెండ్‌, గాళ్‌ ఫ్రెండ్‌ యాడ్‌ చేసింది. గుర్తొచ్చిందా? ఆ సమయంలో ఆమెకు అల్లు అర్జున్‌ అంటే చాలా ఇష్టమని కూడా చెప్పింది. ఇప్పుడు అలాంటి మాటే ఓ యంగ్‌ హీరోయిన్‌ చెప్పింద. దీంతో ‘ఆహా’ కోసం మరో యాడ్‌ చేయడానికి హీరోయిన్‌ రెడీ అంటూ కామెంట్స్ వినిపిస్తున్నాయి.
ఈ సారి ఆ కామెంట్స్ చేసింది ‘రంగబలి’ ఫేమ్‌ (Yukti Thareja) యుక్తి తరేజా. ‘రంగబలి’ సినిమాలో నాగశౌర్యకి జోడీగా నటించింది. పవన్‌ బాసంశెట్టి దర్శకత్వంలో సుధాకర్‌ చెరుకూరి నిర్మించిన చిత్రమిది. ఈ నెల 7న ఈ సినిమాను ప్రేక్షకుల ముందుకు తీసుకొస్తున్నారు. ఈ సందర్భంగా యుక్తి తరేజా మీడియాతో మాట్లాడుతూ ఈ మేరకు కామెంట్స్ చేసింది. తనది హర్యానా అయినప్పటికీ.. దిల్లీ విశ్వవిద్యాలయంలో కామర్స్‌లో డిగ్రీ చదివానని చెప్పింది.
దిల్లీ విశ్వవిద్యాలయంలో చేరాక తన జీవితం మలుపు తిరిగిందని చెప్పింది. డ్యాన్స్‌ పోటీలు, ప్రదర్శనల్లో చేయడం, ఆ తర్వాత మోడలింగ్‌లోకి అడుగుపెట్టడం జరిగిపోయాయి అని చెప్పింది. హర్యానాలో ఉన్నప్పుడే తెలుగు సినిమాలు చూసేదానినని యుక్తి తరేజా చెప్పింద. తెలుగులో ఇష్టమైన హీరో అల్లు అర్జున్‌ అని, అలాగే అతనితో కలసి డాన్స్‌ చేయాలని ఉందని చెప్పుకొచ్చింది.
సామజవరగమన సినిమా రివ్యూ & రేటింగ్!
వివాదాలకు కేరాఫ్ అడ్రస్ మారిన విజయ్ దళిపతి సినిమాలు!
