జరా షా అనే పేరు చెబితే అమ్మాయి ఎవరూ గుర్తుకు తెచ్చుకోవడం చాలా కష్టం. కానీ.. “లైఫ్ ఈజ్ బ్యూటీఫుల్” సినిమాలో ఆంధ్రా అమ్మాయిగా, నాగరాజ్ పాత్రకు జోడీగా నటించిన అమ్మాయి అంటే కాస్త గుర్తుపట్టొచ్చు. ఆ అమ్మాయి అనంతరం “భాయ్” సినిమాలో నాగార్జున సిస్టర్ గానూ నటించింది. అయితే.. “భాయ్” డిజాస్టర్ అవ్వడంతో ఆ తర్వాత అమ్మడికి సరైన అవకాశాలు లభించలేదు. దాంతో చాన్నాళ్లపాటు జరా సినిమాలకు దూరంగా ఉంటూ వచ్చింది.
అయితే.. మళ్ళీ దాదాపు నాలుగేళ్ల తర్వాత అమ్మడు “ఐతే 2.0” అనే సినిమారో రీఎంట్రీ ఇచ్చింది. రేపు విడుదలవుతున్న ఈ సినిమాపై పెద్దగా బజ్ లేకపోయినా ఈ సినిమాని తనను హీరోయిన్ గా మళ్ళీ బిజీ చేస్తుందని ఆమె నమ్మకం. రాజ్ మదిరాజు దర్శకత్వంలో తెరకెక్కిన ఈ చిత్రంలో నటించినవారందరూ కొత్తవారే కావడంతో ఈ సినిమా మీద పెద్దగా అంచనాలేమీ లేవు. కానీ.. సినిమా ఏమాత్రం బాగున్నా అందరికీ మంచి పేరొచ్చే అవకాశాలు మాత్రం పుష్కలంగా ఉన్నాయి.
