అడివి శేష్ హీరోగా నటిస్తున్న మొదటి పాన్ ఇండియా మూవీ ‘మేజర్’. శేష్ తో ‘గూఢచారి’ వంటి సూపర్ హిట్ ను తెరకెక్కించిన శశి కిరణ్ తిక్కా ఈ చిత్రానికి దర్శకత్వం వహించాడు. జూన్ 3 న ఈ మూవీ తెలుగుతో పాటు హిందీ,మలయాళం, భాషల్లో విడుదల కాబోతుంది. తాజాగా ఈ చిత్రానికి సంబంధించిన ట్రైలర్ రిలీజ్ అయ్యింది. తెలుగు ట్రైలర్ ను సూపర్ స్టార్ మహేష్ బాబు విడుదల చేశారు.
ఈ మూవీకి ఆయన కూడా ఓ నిర్మాత అన్న సంగతి తెలిసిందే. ఇక హిందీ ట్రైలర్ ను సల్మాన్ ఖాన్, మలయాళం ట్రైలర్ ను పృథ్వీరాజ్ సుకుమారన్ లాంచ్ చేశారు. సరిహద్దు దాటి పాక్ ఆక్రమిత ప్రదేశమైన కశ్మీర్‌లోకి ప్రవేశిస్తాడు మేజర్ సందీప్ ఉన్నికృష్ణన్‌.’అదీ మనదే కదా సార్’ అంటూ అతని ధైర్య సాహసాలను తెలియజేస్తూ ట్రైలర్ మొదలైంది. ముంబై దాడుల్లో టెర్రరిస్ట్ లకి ఎదురుగా నిలిచి మరణించాడు. అతని గొప్పతనాన్ని ప్రపంచాన్ని తెలియజేయడానికి ఈ మూవీని శేష్ టేకప్ చేసినట్టు స్పష్టమవుతుంది.
ఈ మూవీలో ఆ ఒక్క దాడుల నేపథ్యం మాత్రమే కాదు సందీప్ బాల్యం, అతని పర్సనల్ లైఫ్ కు సంబంధించిన విషయాలను కూడా చూపించనున్నారు. శేష్ కు జోడీగా సాయి మంజ్రేకర్‌ నటించింది. వీళ్ళిద్దరి రొమాంటిక్ ట్రాక్ ఆకట్టుకునేలా ఉంది. వంశీ పచ్చిపులుసు సినిమాటోగ్రఫీ సూపర్. ప్రతీ విజువల్ చాలా రిచ్ గా కనిపిస్తుంది.
శ్రీచరణ్ పాకాల నేపధ్య సంగీతం బాగుంది. శోభితా ధూళిపాళ, ప్రకాష్ రాజ్, రేవతి, మురళీ శర్మ వంటివారు కూడా కీలక పాత్రలు పోషించారు. ‘సోనీ పిక్చర్స్ ఫిల్మ్స్ ఇండియా’, ‘ జి.ఎం.బి ఎంటర్‌టైన్‌మెంట్’ ‘ఎ+ఎస్ మూవీస్‌’ సంస్థలు కలిసి ఈ చిత్రాన్ని నిర్మించాయి. ట్రైలర్ చాలా బాగుంది. మీరు కూడా ఓ లుక్కేయండి :
కన్మణి రాంబో కటీజా సినిమా రివ్యూ & రేటింగ్!
వీళ్ళు సరిగ్గా శ్రద్ద పెడితే… బాలీవుడ్ స్టార్లకు వణుకు పుట్టడం ఖాయం..!
కే.జి.ఎఫ్ హీరో యష్ గురించి ఈ 12 విషయాలు మీకు తెలుసా..!
Home