రెజీనా ఇప్పటివరకూ కథానాయికగా ఎన్నో వైవిధ్యమైన పాత్రలు, కమర్షియల్ హీరోయిన్ రోల్స్ చాలా చేసింది. అందాల ఆరబోత విషయంలో ఎప్పుడూ వెనక్కి తగ్గని రెజీనాకు ఈమధ్య అదృష్టం కలిసిరాక బికినీ వేసినా కూడా సక్సెస్ మాత్రం అందుకోలేకపోయింది. అందుకే అమ్మడికి ఈమధ్యకాలంలో సరైన ఆఫర్లు కూడా రావడం లేదు. అందుకే కాస్త బ్రేక్ తీసుకొని కమర్షియల్ ఎలిమెంట్స్ తోపాటు.. తాను పోషించే పాత్రకు కూడా కాస్త ప్రాముఖ్యత ఉన్న సినిమాలు సైన్ చేయాలని ఫిక్స్ అయ్యింది.
అందులో భాగంగా ఇటీవల “గూఢచారి”తో బ్లాక్ బస్టర్ హిట్ అందుకొన్న అడివి శేష్ కథానాయకుడిగా తెరకెక్కనున్న తాజా చిత్రంలో రెజీనాను హీరోయిన్ గా ఫైనల్ చేశారట. రాంజీ అనే యువకుడు దర్శకుడిగా పరిచయమవుతున్న ఈ చిత్రం థ్రిల్లర్ జోనర్ లో రూపొందనుండగా.. ఈ సినిమాతో తన సెకండ్ ఇన్నింగ్స్ మొదలవ్వడం ఖాయమని ఆశాభావం వ్యక్తం చేస్తోంది రేజీనా.
